香港人愛日貨，九十年代創辦的日本城便是以十蚊店起家，發展至今日有二百幾家分店，街頭巷尾總有一間的零售連鎖店，一三年控股公司國際家居零售（1373）更在港上市，今日市值達十四億元。

身為創辦人之一的副主席魏麗霞，八八年從北京來港，廣東話也不正，後來認識拍檔劉栢輝，在北角開家品小店，由兼職員工做起，後來索性一同做老闆打拼。二十多年一個主外、一個主內，最終建立龐大零售業王國。

問她成功之道，魏麗霞笑言只要做好「人、貨、舖」，香港二百六十間舖中，對每間舖頭經營瞭如指掌，皆因她視舖頭如親生仔，要確保每間都能生存。

國際家居零售旗下的日本城分店多達二百六十間，已成為香港人熟悉的家居品牌。

一年國際家居零售上市，魏麗霞與劉栢輝一齊以創辦人身份出席上市儀式，大部分人一望還以為是夫妻檔，殊不知大家只是多年生意拍檔；一切可由八八年魏麗霞從北京來港說起。

「當時廣東話都唔夠純正，睇過《表姐你好嘢》，講廣東話唔正的表姐畀人歧視，惟有慢慢學。後來睇《歡樂今宵》，學江欣燕講嘢，第一首識唱的歌係鄺美雲〈再坐一會〉！」

她十九歲隨家人來港，第一份工是在大一時裝店做售貨員，離職後才到劉栢輝灣仔的雜貨批發店兼職，「有次劉生出咗去，我喺間舖繼續掃地，佢返到嚟問我，『老闆唔喺度，其實可以休息。』但我就話，做嘢唔係只做畀老闆睇。可能佢覺得我勤力，好爽快畀二十蚊一個鐘，我就決定全職做落去。」

魏麗霞八八年來港做兼職遇上無良上司，上了一堂人事管理學，「做管理層唔肯定做到就唔好講，不過可能係天意，之後就去咗劉生間雜貨舖打工。」

劉栢輝（中）及魏麗霞九一年創辦日本城，九八年金融風暴逆市擴張，○三年趁沙士吸納人才，在創業廿二年後成功上市。

北京來港「再坐一會」

後來她父母回北京，她感到遇上伯樂，有發展機會，於是決定獨自留下，「劉生想由批發轉零售，他無論在請人、購物流程同售後都好花精力，一個人搞唔掂，我就自告奮勇話繼續幫佢手，在北角創辦第一間日本城。」

日本城早期創業的日子，令魏麗霞仍記憶猶新，「當時要一手一腳拆貨上架，做到凌晨三、四點，之後再同員工消夜。翌日早上八點幾、九點又開檔，o依家老咗唔捱得，哈哈！」

早期日本城有其他老闆，但經過離離合合，最後留下劉栢輝及魏麗霞，一男一女如何合作無間多年？「首先彼此都係做實事，以誠待人，如果大家唔坦承，係無辦法一齊做生意。仲要分工鮮明，佢負責搵發展，我負責營運，最後要互相尊重，咁多年劉生教我好多嘢，係我良師益友，我仲好期待同佢合作到下一個廿五年。」

劉栢輝愛馬及炒股，魏麗霞則喜歡拉丁舞，兩人一凹一凸卻甚少爭拗，「可能早期印象好，佢之後都好放心畀我管理，佢金句係疑人不用，用人不疑。」現時劉栢輝專注策略及海外發展，魏麗霞則專注日常營運及人力資源。

一三年上市的國際家居零售一四至一五年中期業績收入達九億，按年增加一成四，以香港零售業來說算非常不俗。經營日本城二十四年，魏麗霞看透零售業其實只有三個字：人、貨、舖，其中又以人為先，「好多人話，一個店長辭職好小事，但我同佢傾咗四、五次，最後成功挽留，之後仲一直做咗十幾年。」