回顧68歲黃淑儀後生靚相 美麗50年！

撰文：東方新地-卓奇｜圖片：東方新地

黃淑儀69年 19歲宣布嫁人

69年當時未足20歲，仲係無綫藝員兼國泰電影公司基本演員嘅黃淑儀，並宣布下嫁42歲國泰導演劉芳剛，唔理事業20歲就嫁人，愛得義無反顧。

72年 偕夫加盟無綫

73年重返娘家麗的電視 ( 亞視前身 ) 嘅黃淑儀，兩年後成為當紅藝人後聯合丈夫劉芳剛加盟無綫。

76年 同汪阿姐初合作

黃淑儀同汪明荃76年喺長劇《 書劍恩仇錄 》首次合作，有傳兩人爭做女主角霍青桐，而喺一場芝芝姐演嘅李沅芷女扮男裝調戲阿姐飾演嘅霍青桐，比劍時芝芝條眉畀阿姐把劍撞到，啲血係咁流差啲毀容，兩人自此傳不和。

77年 文青look

黃淑儀77年登上某電視周刊封面，相中芝芝姐最搶眼嘅唔係佢件花喱碌恤衫，而係佢大小便不分嘅中間界頭髮，成個文青。

80年 低胸晒線

黃淑儀身材均勻屬健美型，相中嘅芝芝姐剛滿30歲，全 白晚禮服配白珍珠頸鏈同白喱士手套，加上罕見露出吋半乳溝，高貴又性感。

80年 《雙葉蝴蝶》首演女警

黃淑儀80年喺無綫劇集《雙葉 蝴蝶》中演高級偵緝督察，首演CID女警嘅芝芝姐，拎起支槍替套劇嘅特刊演宣傳相，但把左輪望落有啲似玩具槍。

80年 《上海灘續集》界雙雄追

黃淑儀80年喺《 上海灘續集 》演由法國返嚟嘅女畫家朱燕燕，風華絕代、明艷照人嘅古典優雅氣質，吸引到呂良偉演嘅丁力，同謝賢演嘅神秘商人狄雲志向佢大力追求。

81年 激罕水著

黃淑儀自出道以嚟極少影水著寫真，呢輯激罕水著相攝於81年，相中芝芝姐著上一件頭密實泳衣喺泳池展示健美身材，充滿迷人美感。

83年 三大靚女合照

83年頭無綫兩大花旦鄭裕玲、黃淑儀同當紅節目主持人余文詩聚頭，三人各有氣質、各有各靚，點睇都係咁正。

芝芝姐兩度婚嫁

69年 嫁導演劉芳剛

69年19歲前途無限嘅黃淑儀，突然宣布下嫁比自己大廿三歲嘅國泰導演劉芳剛，芝芝過咗20歲生日後，10月25日兩人喺台北結婚，惜七年後離婚。

81年 嫁醫生徐景清

81年32歲嘅黃淑儀同腦科醫生徐景清再婚，12月28日兩人喺美國羅省舉行婚禮，83年兩夫婦移民加拿大溫哥華，兩人一直恩愛至今。