清明拜山懶人包!水果祭品有限制 蘋果、香蕉、橙、提子邊樣最好? | 港生活 - 尋找香港好去處

清明拜山懶人包!水果祭品有限制 蘋果、香蕉、橙、提子邊樣最好?

2023.04.03

清明時節雨紛紛,呢幾日香港都落起毛毛細雨,似乎提醒我哋又到清明節,喺時候帶齊祭品掃墓喇!生果種類多,其實買邊一款先係最好呢?當中又有咩種類係大忌,唔應該帶去拜山呢?

中國人生活日常習慣講求諧音,取其發音嘅意頭,而喺大時大節揀選物品、數量等更加要慎選。

忌|清明節生果祭品

1. 串狀生果

但如果先人特別鍾意食呢種生果的話,應該點樣處理呢?

串狀生果例如提子、龍眼、荔枝等,帶去掃墓的話會有「一連串衰運」的意思;而「成串」的閩南語發音有「死成串」的忌諱,再引申成「親人一連串過世」唔吉利的意思,所以都會盡量避免準備這種生果。

不怕忌諱者不妨照常準備,始終是份孝心。

2. 多核水果

果籽可算是一個水果的心臟部分,而多核水果如番石榴、百香果、火龍果等就隱含「多心」意思,帶去拜祭或許會令祖先覺得你不夠虔誠。


3. 留意生果諧音

而生果諧音都需要多加留意,除咗廣東話發音外,普通話發音都要注意。以鳳梨為例,普通話發音和台灣人說法,都有「旺來」興旺意思,但清明節時作祭品的話,就表示家中易招來傷亡,大忌!

4. 死亡組合

除咗以上 3 種禁忌外,香蕉、李子(又名布冧)、梨子、鳳梨的諧音加起來有「招你來旺」意思,換句話說「邀請靈體跟隨」,不論是清明掃墓或是盂蘭拜祭遊魂鬼,都要緊記不要準備這個生果組合啊!

宜|清明節生果祭品

1. 蘋果

蘋果取其諧音,有平安之意,所以清明節外,其他拜祭場合如求神、還神都會買蘋果作貢品之用。

2. 桔

又一種常見生果:桔,貪佢意頭好,有大吉大利意思。

3. 柚子

都是取其諧音之意,「佑子」,祈求祖先保佑屋企子孫。


注意!生果祭品數量

1. 水果種類數目要「單數」,以 1、3、5 種較好
2. 而每種水果的數量最好就 3 個或 5 個
3. 掃墓水果祭品總數量都要單數

例子:5 個蘋果、3 個大桔、3 個柚子,加埋祭品總數就等於 11。

話雖如此,以上都係民間說法,並無科學根據,不代表本站立場。清明節掃墓最緊要都係心意,至於祭品可按個人習慣、喜好去安排。

 

============
同場加映:
【蝸居睇樓團】天水圍夫婦+5貓貓靚景愛巢  17.5米實穿全屋空中貓橋、書櫃內藏跳格貓砂盆 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓↓【💖美肌研究生】招募中!↓↓

分享女生好物相/影片, 贏00購物禮券!

分享女生好物相/影片, 贏00購物禮券!

↓↓【免費贏Rollink可摺疊行李箱或旅行Mini Bag】↓↓

↓ 立即分享旅行打卡靚相!↓

↓ 立即分享旅行打卡靚相!↓

評語

相關文章