唔少父母都會為自己嘅BB搞日宴，慶祝小生命來臨。尋日（7/1）係關愛隊成立100日，深水埗25隊小區關愛隊聯同多位義工一齊嚟到深水埗體育館，為「歲晚愛深送暖大行動」誓師。大家精神抖擻，場面墟冚。

深水埗係一個新舊融合嘅多元社區，25小隊嚟緊會聚焦「長者居家安全」、「關注居民身心健康」同「舊樓家庭支援」等工作。關愛隊亦會喺歲晚前探訪區內250戶有需要人士， 特別係獨居同雙老長者，貼心了解佢哋嘅實際需要，發揮「民政幫到你」嘅精神，送上關懷暖意。

民政總署署長張趙凱渝同深水埗民政專員黃昕然喺典禮後聯同關愛隊成員展開家訪，探訪雙老家庭，了解佢哋日常生活困難，以及分享對關愛隊嘅期望。

啟動儀式中，主禮嘉賓一齊將綠色能量水倒入「深水埗區關愛隊」透明展示器裡面，象徵關愛隊為區內居民注入活力。大家仲高呼「同心關愛深水埗社區發展更美好」嘅口號，為送暖行動揭開序幕，希望同心營造共融美好社區。

深水埗作為時裝紡織業區，專員就以「織布」勉勵關愛隊工作任重道遠，期望各區小隊擔任社區大使角色，將居民網絡越織越密，喺居民有困難嘅時候就可以承接佢地。未來關愛隊同區議會仲要發展新型合作關係，發揮 + ️>️嘅效果。一眾新任深水埗區議員都有出席，為關愛隊打氣。

當日出席典禮嘅主禮嘉賓包括民政總署署長張趙凱渝、中聯辦九龍工作部副部長李文彬、港區全國人大代表文頴怡、立法會議員鄭泳舜、梁文廣及陳凱欣、深水埗關愛及社區發展基金有限公司籌委會主席黃少康、副主席陳明耀同黃俊雄、深水埗居民聯會理事長陳偉明及九龍社團聯會常務副理事長林德興。

#民政總署 #深水埗民政處 #關愛隊 #社區互助 #守望關愛 #愛心送暖 #民政幫到你