80後老闆效法明哥：希望每區都有善心人派飯
一碗白飯，一碗熱湯，承載着一顆大愛之心。深水埗有明哥向基層派飯，荃灣有80後年輕老闆原哥，在經濟低谷下，今年初起每月自掏腰包1萬元，向長者送上熱騰騰飯菜，盡一己之力回饋社會，他說：
希望最終能感動18區均響應派飯。
荃灣二陂坊一間菜館，開舖2年多，逢周日下午4時半在舖外向65歲長者免費派發飯盒，今年2月至今已舉辦約20次派飯活動。年僅30歲的老闆原哥坦言，去年年底被明哥的愛心啟發，
深夜收舖後，見到好多長者喺快餐店流連，又食人哋食剩嘅嘢，個心好唔舒服。
為長者設計合適餐單
去年9月原哥跟姐姐阿淇商量後，決定籌辦派飯活動，
最初打算派幾十個飯盒，想搵社福機構幫手，但佢哋要求數量加倍之餘，又要我哋派同事送飯，故終止合作。
不擅辭令的原哥看上去較內斂，但心裏早已為長者設計好餐單，
以清淡為主，多菜少肉，一般係兩餸一湯，今日派肉絲炒烏冬。
阿淇指廚房師傅每次都即炒即派，曾派魚香茄子、麻婆豆腐、番茄肉碎等，方便長者進食，
有時有心人會送橙來，我哋亦會買菠蘿包派畀長者。
每次派飯近200盒
訪問當天排頭位的84歲劉婆婆，中午12時已前來霸位，
老闆做好事回饋社會，值得表揚！
她取烏冬後更大呼「好開心」，希望派飯活動能繼續下去。不消20分鐘，百多盒烏冬已派畢，但仍有長者前來卻撲空，在舖外要求給予飯盒，阿淇亦慷慨地端出一盒熱烘烘的白飯給對方。
生意倒退 仍月花1萬元派飯
原哥於6月初在菜館fb專頁帖出派飯消息，指若得到每5個「Like」，便派出一個飯盒，隨即獲2.4萬個like及2,700人分享，
現時每次派飯100至200盒，希望此舉最終能感動每區都有善心人派飯。
經濟一蹶不振，原哥菜館不能倖免，
今年開始蝕錢，但又好想幫長者，現時每月派飯都要用1萬元以上。
他直言未得有心人捐食物前會盡全力派飯，但無奈指：
如果頂唔順（不夠錢），可能要暫停派飯。
對有網友在fb留言指派飯是「博宣傳」，但原哥對中傷言論不為所動，
佢哋鍾意點講由得佢，如果有宣傳效果，生意就唔會咁差。
全文刊於《晴報》，標題經TOPick修改，原題為「80後老闆向長者派飯 望全港響應 」。
《晴報》facebook
撰文 : 晴報
晴報
