Facebook

【秋冬火鍋要留意：淡水魚要煮熟！】

近日，醫管局留意到上個月本港感染「侵入性乙型鏈球菌」嘅住院個案有所增加☹️。根據文獻，大部分「侵入性乙型鏈球菌」嘅感染途徑唔太明確，較常見嘅途徑包括母嬰傳播🤰。另外，新加坡過往亦曾經發生多宗與生食淡水魚有關嘅乙型鏈球菌感染個案。為保障公眾健康，本港禁售淡水魚魚生。#食安仔 提提大家嚟緊踏入秋冬季，無論係打邊爐🍲，包括近期流行嘅酸菜魚火煱，或者食粥嗰陣，記得確保魚片係徹底煮熟先好放入口呀👄！

乙型鏈球菌係一種常見寄存喺人類腸道、泌尿及生殖系統嘅細菌🦠。受乙型鏈球菌寄存嘅人，一般並無任何病徵。不過，呢種細菌有時亦可以感染身體唔同部分，包括血液、肺、骨頭及關節等，尤其係喺新生嬰兒、長者、免疫力弱人士（例如長期病患者）身上😷。

除咗細菌之外，生嘅淡水魚（例如鯇魚、大頭魚、山斑魚），仲可能有寄生蟲，食咗有機會令人嘅膽管出現梗塞、發炎同癌症病變😨！

#食安小隊 提醒各位預防感染「侵入性乙型鏈球菌」，應注意個人、食物同環境衞生：
✅經常保持雙手清潔
✅適當處理好手部傷口先準備食材
✅生熟食物要分開擺放，並且用唔同刀及砧板分開處理，避免交叉污染
✅徹底煮熟食物先好食

#食物安全中心 #食安中心 #CFSTeam #食安妹妹 #食安台 #侵入性乙型鏈球菌 #母嬰傳播 #淡水魚要煮熟住 #乙型鏈球菌