雞功房

營業中

休息中

今日同事介紹試食呢間海南雞飯，size比想像中大，雞的確無雪藏味，可以接受嘅。雖然今次無同事介紹得那麼很厚肉，但雞油飯味道唔錯，只係米的口感不太好，期待下次再去會有驚喜。跟飯有藥膳湯，不過味道有偏鹹，飲完湯後要再買嘢飲解渴。餐廳隔位做得唔錯，服務態度好，都好滿意呀。

朋友大力推薦這間餐廳於是便在lunch Time去試一下！一到餐廳便聞到撲鼻的黃酒雞湯味，老實說我個人十分喜歡藥材煲的湯譬如肉骨茶！所以未進食的時候已對這間店的期望很高！😅我點的是黃酒雞湯面 —本來是配伊面，但我轉了米粉，因為感覺米粉跟湯配合應該更入味。雞湯面的材料有很多，份量也不少！裏面有雲耳，桃膠，很滑的雞肉和有點蔬菜。我把整碗湯都喝光光！感覺是一個很健康的午餐。餐還有附送一個甜品，但是真的十分不推薦！🙃🙃

20190806🌦️Monday 🌹好嘢唔怕再Encore 🥢12時前已經到了門口，一定要人齊先可入座，地方細細，座位不多，名字「雞功房」，嚟到一定要叫🐔之前第一次到，Ordered 佐（1）海南雞飯配客家黃酒雞湯，雞肉真係好滑，雞湯先上檯，雞湯藥材及酒香味，簡直撲鼻 👍今次第二次到，朋友Ordered 佐（2）頭抽醬油雞飯配客家黃酒雞，我朋友一路食一路話好食😋好食😋我朋友仲話好佐今早無食早餐😅上次老闆話同隻🐔影相都唔同我影📸我答應個老闆下次影👇今次補回拍照📸我會不斷Encore 😋😋😋

又係我認識左呢間小店短短2個月，已經食左4-5次，真係好好味！一啲都無誇張！上次食評主要寫左客家黃酒雞湯米（https://s.openrice.com/QrbT0Ni0i00）。今日冬至，Lunch帶埋屋企人會一會其他野食先海南雞飯，俾左雞肶，多肉夠嫩夠滑！油飯好香雞油味！掂豉油雞飯，原本$75，留意返：轉雞肶要加$10架豉油雞飯係要早啲打電話黎留定嘅，如果無留，就要睇你同豉油雞嘅緣份嘞不過今日12:30左右，豉油雞已經全部售罄講返豉油雞味道，唔好睇佢好似好深色，一啲都唔會過鹹，豉油有少少甜味，都係雞夠滑夠嫩，飯係白飯，但勝在夠豉油汁，撈飯真係好正！我媽媽都話非常好味蟹肉乾燒伊麵，都算多蟹肉喎，伊麵夠煙韌彈牙，個麵仲有啲蟹味，又係我媽媽至愛喎客家黃酒雞湯麵，今次叫左上海麵，雞湯都係保持一貫水準，好味但個人覺得都係配新竹米比較入味上次忘記左提到，記得加埋餐廳內提供嘅辣菜脯落個麵度食，好有特色好好味呢個係叫海南雞飯配的，個人認為同黃酒雞湯麵個湯底應該係一樣，但阿妹話覺得呢個湯更好味、更濃味餐後食埋滑滑朱古力布甸，做冬午餐好滿足！不過順帶一提，餐廳的服務態度確實麻麻，尤其係其中有個阿姐！我

某一日lunch又係有兩個幾鐘去食。。都已經諗到唔想諗去邊度hea到咁耐。。（應該好多人想打我）突然醒返起上次去過一棟好多小店既大廈，於是就去幫襯下喇黎到都係十二點左右，已經要排隊入座，明明上次黎果時佢新開係完全冇人，果然media既催谷係非常重要呀（上次係uLxxx見到有介紹）唔緊要枱既turnover rate都非常快，於是等左十分鐘左右就坐低左。連店名都有個雞字咁當然就要試下佢d雞係咪有咁好食啦！海南雞飯配黃酒雞湯海南雞望落好似好多，但其實都幾多骨，如果有得叫海南雞脾飯你話幾好食落係超級滑既，但雞味又唔係話好重，飯就帶有少少油，都好似幾正宗，如果多返d肉就好喇。黃酒雞湯好好味，未飲過咁好味既雞湯！佢飲落帶有d中藥味，感覺好健康！最後跟餐唔係送野飲係送左個甜品，望落好稀但其實都幾稠。重點係好似飲緊維他朱古力奶咁，幾正有時間可以返焯，不過有d遠

雞功房向來對海南雞飯都有一份特別的情意結。初到上環就職，於同事的引領下就第一次嘗試了「雞功房」！由於習慣兩點才午膳，避免了中午繁忙的用膳時間，一行 5 人無需等候就可以就座了。由於此行的目的是衝著海南雞飯而來，理所當然清一色海南雞飯，用我們不同的味蕾去感受同一個美食，到底評價有否分歧？ 結論是...認真的說海南雞飯表現不過不失，雞肉的味道跟雞油飯的搭配亦尚算不俗，但大概是因為咀刁的關係對吧? 如果雞皮能夠再滑一點，肉質再嫰一點，這個午餐就無懈可擊了!然而！隨餐附送的「客家黃酒雞湯」卻相當有驚喜！外邊的海南雞飯平常配搭著一碗例湯，較專業的則附送雞什湯。而這裡的黃酒湯明顯有著甚大的分別，淺淺的一層雞油覆蓋於表面，品嚐的第一口已經深深感受到黃酒跟雞肉的完美配合。這湯帶有濃濃的酒味卻不嗆喉，湯料也一點不吝嗇，藥材、雞肉的份量相當充料！一個字形容的話: 非！常！掂！更難得的這裡的員工(還是老闆？)，興起地跟食客談起了餐廳的運作、煮雞的心得、試菜的煩惱等等... 有趣的分享讓食客在品嚐美食外也讓耳朵過了一個充實的下午。

賴生再次因爲工作關係路經上環，當然要把握機會同屈小姐Lunch黎個小聚，賴生都未諗食咩既時候，屈小姐已經衝口而出講：「雞功房！」，勁難得屈小姐會咁決斷，賴生當然負責上去拎位啦！唔知係咪呢個鐵竇揚左既關係，今次賴生12:30黎到，外面已經排左勁多人！而且加左個規矩就係⋯人齊入座，賴生只好乖乖拎飛通知屈小姐慢慢黎等左大約20分鐘之後，終於到賴生同屈小姐入座啦！（第6張枱左右啦）當然，賴生同屈小姐係唔會浪費等候既時間，用左lift lobby 張大餐牌開番個2人會議，商量下食咩啦！不過，咦？冇左雞湯浸菜既？唯有揀蘿蔔先啦⋯⋯（但原來呢張餐牌唔update既，入到去我地先發現有雞湯浸菜），所以入到去我地叫左雞湯浸菜+1人1個Main賴先生之選1) 海南雞飯：爆5⭐️呢個海南雞飯真係好得！再次食佢既味道仲昇華左！佢仲配左碟招牌甜豉油同泰式酸辣汁比你點! 雞件好滑，骨肉好容易就分離，皮下冇脂肪咁濟，面頭層雞皮好薄，單純一個滑字就可以形容到! 而且雞肉味濃，點甜豉油就令雞味更突出，扯晒個雞味出黎! 一個靚既甜豉油配埋滑雞，真係十級夾! 不過，賴生同屈小姐都係鍾意點泰式酸辣汁，酸酸地辣辣地，夠晒惹味!

難得又可以再因工作關係可以同屈小姐食個Lunch，心情由一起身就處於亢奮狀態！當做好左上半晏既工作後，賴生就出發去搵位等屈小姐啦！由永樂街1號Polo Shop 側邊行入去就會見再世瑛大廈，而大廈入口就座落係豆漿舖隔離，紅色既門口，行入去搭𨋢上2樓就係啦舖頭唔大，大約可以招呼到30人，乾淨企理，唔錯既！不過想食就要早DD黎，事關真係幾多人下⋯一到Lunch time好快就坐爆晒，變左要企舖頭出面既走廊等，夏天企就有D悶熱⋯賴生拎左位之後，就Send定Menu比屈小姐揀下食咩啦，而賴生當然係現場觀察下其他人叫D咩食啦，等到屈小姐差唔多到既時候，賴生就落Order啦1）辣菜譜：5⭐️ 每枱既枱面都有1樽任你加同食既辣菜譜，唔會太辣，辣到人眼淚流果隻，而且就咁食味道都唔會太咸，不過最正係撈白飯食！超香，又帶微辣，送飯的確一流！ 呢樽野比左人另一個食飯既選擇，幾好幾好2）海南雞飯：5⭐️雞件夠晒多夠晒滑，斬雞既技巧亦好出眾，一早將雞殻果排肋骨斬開，等客人方便進食，上排雞肉啖啖肉，而下排雞肉就帶骨香再者，雞件一D都唔肥，皮下脂肪近乎零，雞皮略微用鹽醃制過，配以自家制甜醬油/薑蓉，令人欲罷不能！飯底雖

本小姐係超喜歡食雞的 午餐同事介紹去雞功房食 一開始見個menu得4款雞餐 3款蟹餐 心諗應該普普通通啦 想食飯就無疑問 揀左1號海南雞飯 要雞胸本身好怕飲雞酒湯 可能未試過飲過好飲嫁啦 但佢地個黃酒雞湯不得了 好濃的中藥味 但係好飲的 而且有酒嘅香味 唔會好over 濃濃的啡黃色 飲完一啖好想繼續飲雞飯好快就到 起興奮 只因我地有幾個都叫左雞胸點知除左雞胸仲有一隻雞脾 份量好足夠 唔似係出面得好少雞送唔到全部飯 雞嘅肉質算唔錯 始終我 叫雞胸會有少少鞋嘅感覺 姐就要喜歡 就唔係一般的蔥油佢係有一個甜甜地蠔油醬 另一個就係酸酸地咁 個人都係鍾意蔥油哈哈 而油飯好都夠香 但可以再rich d 同油d 老闆都好好人見我地7個人 送左黃酒雞湯羅白 都算好淋不過未必咁入味 最後包埋阿華田/豆腐布甸 飽飽好滿足