裝修佬話你知：抹玻璃攻略 有效清除千年水漬、灰塵(2020更新)
玻璃為我地生活中帶來諸多便利，遮風擋雨、隔絕外來灰塵、防蚊等好處。但玻璃容易殘留水垢、污漬、灰塵等，影響視覺效果，清潔起身特別麻煩，越抹越花。其實，針對唔同嘅污漬用唔同嘅方法，以下裝修佬為大家呈上抹玻璃嘅竅門啦。
1.玻璃沾染塵垢
玻璃沾染塵垢，可用舊布加D暖嘅醋抹。
2.玻璃上有油垢
玻璃上有污漬油垢，可用醋加鹽混合再抹。
3.玻璃上有膠紙漬
玻璃上嘅膠紙漬，可先用刀仔刮低，再用松節油抹便可。
4.玻璃或鏡面上有蠟痕
玻璃板或鏡有蠟嘅痕跡，可用加有幾滴氨水嘅熱番鹼水抹。但要留意唔好俾水滲入到鏡嘅背面，否則會侵蝕背面漆，破壞反射層。
5.玻璃上有大面積油污
玻璃上有大面積油污，先用汽油抹一次，再用洗衣粉或去污粉清洗，然後用清水沖乾淨即可。
6.玻璃老化
玻璃製品用耐咗會產生污漬，清潔保養方法如下：
1.可用適量梳打粉加水用布抹乾淨。
2.係玻璃上滴幾滴煤油，然後用布或棉花抹，唔單止玻璃通透，而且仲可以防止雨天水漬。
玻璃基本清潔及保養法
● 用舊報紙加水擦玻璃，然後再用乾報紙抹乾，可令玻璃潔淨。
● 將石膏粉加水鋪係玻璃度，乾曬後用軟乾布抹，玻璃就會非常乾淨通透。
● 用濕布擦下玻璃，然後再用乾淨濕布加D白酒，用力係玻璃抹一次，你會見到抹過後玻璃即乾淨又通透。
● 用小小洗頭水溝少許清水用布抹窗一次，然後用乾布或紙再將窗抹乾，成個窗就會變得又乾淨通透。
● 用玻璃亮光清潔劑噴曬玻璃，用軟乾布抹，玻璃就會非常乾淨通透。
● 鍍有金邊嘅鏡框、相框或玻璃有污垢，可用毛巾加小小啤酒抹，就可以去除污垢，回復潔淨光亮。
● 清潔玻璃時，先擦上粉筆灰水或石膏粉水，乾後再用乾布抹，既可輕鬆抹去污垢。
● 洋蔥片抹玻璃窗，唔單止可以去除污垢，而且會特別通透。
● 用茶葉清洗鏡、玻璃等，去污漬效果唔錯。
● 想玻璃長期乾淨，清潔後必需為玻璃加一層防護膜，可使用一些玻璃清潔防護劑，令以後玻璃沾上指紋、口紅和筆跡都可以輕鬆去除！
想了解有關冷氣的資訊，請瀏覽裝修佬專欄：
