梁諾妍周日出嫁 爆洪永城貪靚節食 #洪永城 上月中公佈向拍拖3年嘅女友 Inez Leong 梁諾妍 求婚成功,本來仲話下半年先慢慢安排婚禮,不過旋即亦都宣佈將會喺今個星期日(11號)擺酒喇。 呢日Inez現身一個商場活動,就話定婚之後已經一直安排婚禮,不過就因為疫情限聚安排而頭都大埋,好在最後一切都有定案,所以可以鬆一口氣咁話。 佢呢日又爆婚禮好多細節都係由 洪永城Tony的地球 安排,仲話佢仲緊張過自己,近日Tony更加戒澱粉質節食,更加一齊跑步添。 至於同場出現嘅 陳柏宇 Jason Chan 呢日就喺現場獻唱,佢仲話非常掛住近距離同歌迷見面嘅感覺,又話正籌備緊音樂會添。至於佢日前喺社交平台貼出囡囡嘅成績表,仲爆放緊暑假嘅Abigail好掛住一位男同學添。 #陳諾妍 #結婚 #洪永城 #陳柏宇 #Abigail