洗衣機推介、洗衣機比較、洗衣機牌子及選購攻略 2024

2023-01-19

邊款好？邊隻好？點樣揀先至啱？2024 年最新洗衣機選購指南及專家推介 (附消委會報告重點)，一定幫到你！

巿面上洗衣機款式各式各樣，每個款式各有千秋，究竟邊一款至適合自己屋企？究竟日式洗衣機定係歐洲洗衣機好？而洗衣機容量又要點揀？買邊一款洗衣機，可以視乎你屋企環境同洗衣習慣而定。這篇文會同各位詳細分析點揀洗衣機，仲會分享唔同洗衣機型號，消委會報告重點同洗衣機使用小貼士。

洗衣機選購攻略目錄

不同種類的洗衣機比較
選購洗衣機考慮事項
洗衣機消委會報告重點
專家的洗衣機推介2024
洗衣機常見問題及使用貼示

不同種類的洗衣機比較

	洗衣原理	洗衣程序	優點	缺點
日式洗衣機（葉輪式洗衣機）	凍水洗衫通過筒底嘅葉輪高速旋轉，產生強力嘅水流嚟帶動衣物，再反方向旋轉來製造唔同方向嘅水流，以產生沖擦嘅作用	洗衣時間相對較短中途一般唔可以加衣物	較唔傷衣物，洗完嘅衫唔會打結或纏繞一齊	因唔用熱水洗衫，有機會有毛黴菌同使呼吸系統敏感洗完嘅衫會互相纏繞、打結（因為滾筒一直旋轉）
歐洲洗衣機前置式（俗稱大眼雞）	凍水/熱水洗衫洗衫嗰陣會先將水加熱再浸泡衣服利用滾筒轉動，將衣物從高處至低處沖洗。	洗衣時間相對較長中途一般唔可以加衣物	較慳水纖巧慳位，無需俯身加入或取出衣服洗衫期間亦可中途加入或取出衣服可飛頂空，出頂部位置，可放其他傢俬或物品	用電量較大洗衣普遍需時較長。
歐洲洗衣機 ( 頂揭式洗衣機）	凍水/熱水洗衫滾筒洗衣機通過滾動而帶動筒入面嘅衫到高處，隨著重力衣服會摔下，模擬人類用棍棒摔打衣物嘅動作	洗衣時間相對較長中途一般唔可以加衣物	較慳水機身較細，容易加入或取出衣物用電量較大	洗衣普遍需時較長。

選購洗衣機考慮事項

洗衣機容量

至於洗衣機嘅容量要視乎一家人嘅衫多少而定。有啲人認為容量較大比較方便好洗，但如果洗衣機容量比起所需容量多好多，電費同水費將相對貴好多，所以按自己平時嘅需求為選購準則。洗衣機容量計算公式：

1.5公斤／人

例如，一家四口，「4 x 1.5公斤=6公斤」係基本需要嘅洗衣機容量。香港雨季潮濕，到時可能很快已儲滿一機衫，大家可考慮選擇多1公斤左右嘅洗衣機。

脫水轉速

簡單嚟講，脫水轉速愈快，抽出衣物水分時間嘅愈短。一般洗衣轉速大概係每分鐘800-1000轉。如果要縮短晾乾衣物時間，建議用每分鐘1200轉或以上。洗衫前記得留意衣物嘅物料同質地，例如牛仔質地嘅衫比較吸水就最少900轉先唔會喺晾衫時滴水。

如果屋企完全冇空間晾衫，不妨試下買一部乾衣機，即刻睇睇乾衣機款式。

摩打技術：定頻vs變頻vs 直驅式？

定頻洗衣機：因為轉速固定，技術相對穩定，價格一般較平；但用電量較高，噪音大，震動強，而且潔淨效果一般。

變頻洗衣機：轉速會因應需要變動，剛啟動時，以低速運轉打散衣物；加入潔衣液後，會加大轉速；再減速讓衣物浸泡；之後進一步加速徹底清潔衣物；最後高速甩乾。用電量較低，噪音比較細

直驅式變頻摩打無需使用皮帶及滑輪、直接附設於滾筒上，充分利用摩打性能來提升洗滌效率之餘，可以大幅減低噪音及振動，更慳電。

噪音程度

洗衣機嘅噪音取決於摩打技術、或洗衣機係咪用皮帶或滑輪帶動，定頻洗衣機一般噪音最多，而直驅式變頻摩打可以做到極為寧靜。

速洗功能

速洗功能可以喺十幾分鐘內完成洗衣程序，好適合趕時間或少量衣物嘅情況。

磨損度

每一次洗衫都會對衣物造成一定損傷，所以要了解邊一款洗衣機對衣物磨損度最少。

購買時，可以留意洗衣機有冇附有衣物保護功能，特別如果你係成日洗一啲連真絲丶羊毛等，比較容易勾爛，就更加要留意有冇洗羊毛衫嘅特別功能。

乾衣機功能

香港樓又細又未必有陽光曬到入屋，仲要春天超級潮濕，啲衫真係好容易乾唔透，其實市面中有一啲洗衣機仲有乾衣功能，或者係一啲2合1乾衣洗衣機，等你可以做到洗衣一take 過乾埋衣。

即刻睇睇洗衣乾衣機款式

能源效益 (慳電、慳水)

可以留意洗衣機機身上嘅能源標籤。一級能源效益最高，五級為最低。第一級比第五級可以用少48%能源。另外，你亦可以參考標籤上嘅每年耗電量同耗水量嚟比較唔同型號。

洗衣機

圖片來源: CLP 中電

消委會測試，發現日式（葉輪式）洗衣機因無加熱設計，加上脫水轉速低，洗衣程序需時較短，因此比歐式前置式更慳電，平均慳電達8成。

不過計耗水量，前置式卻比葉輪式洗衣機慳水，因前置式喺洗衣過程衣物會喺機內上下滾動，滾桶唔駛載滿水都可清洗全機衣物。消委會推算，清洗1公斤棉質衣物前置式大概用用10.6升水，葉輪式需耗30升水，相差達65%！

2020 年洗衣機消委會報告重點

消委會測試的18款洗衣機中，包括了10款前置式、5款葉輪式，以及3款歐洲頂揭式型號，聲稱最高洗衣量均為7至8公斤。

葉輪式洗衣機整體耗電量最低，最慳電的型號估算全年電費僅需20元。而耗電量最高的型號屬前置式，估算全年電費比最慳電的葉輪式型號最高可達13倍。另外，前置式及歐洲頂揭式洗衣機則較慳水，較葉輪式慳水約一半。

洗衣表現方面，消委會參考歐洲消費者組織的測試方法，採用「棉質衣物」及「人造纖維衣物」2個環節進行測試。結果顯示葉輪式樣本的表現差異較大，於「棉質衣物」及「人造纖維衣物」中的潔淨比率可分別相差約14%及16%，當中2款樣本的表現最差，只有3.5分。而歐洲頂揭式樣本於「棉質衣物」及「人造纖維衣物」中的潔淨比率差異最小，分別只有約3%及1%。而全部3款歐洲頂揭式樣本及6款前置式樣本的潔淨表現較為理想，同得較高的4.5分。而葉輪式洗衣機洗衣時間只需1小時內便能完成，前置式及歐洲置頂式普遍需時較長。

資料來源：U LifeStyle