【生活百科】樓下開冷氣 樓上地板出水 裝修佬講解冷凝水成因
撰文：熱評
出版：更新：
文：裝修佬
地板出水這個情況，絕對唔關漏水、滲水事！因為那種水叫「冷凝水」，是樓上空間空氣的水，不是樓下有水滲到樓上。而「冷凝水」嘅成因有三：
+1
下載「香港01」App ，即睇城中熱話：https://hk01.app.link/qIZYuEC5LO
第一：樓板太薄
樓板太薄，冷氣低溫容易傳導到上層地板，形成冷凝水。如果係樓宇嘅問題，大家要共同諗辦法解決。樓上唔好怪樓下開冷氣，人地係有權開冷氣㗎；樓下唔好覺得樓上麻鬼煩，因為大家都係受害者。咁點知係咪樓宇問題？問下其他單位係咪都係咁就知啦。
如果地板大薄，樓下將冷氣吹天花，有可能令樓上地板產生冷凝水。（資料圖片）
第二：溫差太大
熱風遇上冷表面，就會凝水。你行出冷氣商場，眼鏡片會凝水；室內常溫空氣遇到你杯凍檸茶，都會凝水。所以，地板濕是因為樓下冷氣令你地板變冷，而你嘅室內空氣相對較熱。係邊個責任？如果樓下係冷藏庫咁，就係樓下責任。如果樓上好似桑拿房咁，就係樓上責任。
【生活百科】網傳家居地板變魚池養錦鯉 裝修專家解構到底得唔得DIY洗冷氣機｜裝修佬教你4個步驟完成 1個人搞掂＋成本唔使100蚊冷氣慳電｜裝修佬教你4招節能得嚟又涼爽 慳錢要先揀啱冷氣機【生活百科】外面好涼屋內好熱？ 吊扇對流窗助降溫唔使開冷氣
冷氣可能導致樓上出現冷凝水，不過濕度高都可能是影響因素之一。（資料圖片）
第三：濕度太高
「呵」一口氣落玻璃杯，就算溫差好細，一樣會凝水，點解？因為濕度高。所以，樓上唔好淨係識得怪樓下扇葉唔向下之類。你都要度下自己單位的濕度。開抽濕機或者放一個吸濕產品起冷凝水出現位置，都會有助解決問題。
作者簡介：
裝修佬是家居裝修奇難雜症專家，希望透過文章分享及網上互動，解答巿民各式裝修難題，改變大眾對裝修方式和置家理念。
作者facebook專頁：https://www.facebook.com/hkdecoman/
作者YouTube頻道：https://www.youtube.com/channel/UCtP4I-t7L55QtFfEp7abFvg