超記美食館

營業中

休息中

炸特大雞髀🍗$18最近成日都響嗰度開工😝又走咗去紅磡廣場覓食☺️呢間小店近門口😆見到唔少人排隊🤭結果我走咗去試吓🤡原來仲可以即時食😁旁邊有座位，同店員講聲就ok🤣佢哋會轉返碟裝☺️店員仲會問要唔要落淮鹽😇落咗的確係好食啲☺️而且食落的確幾脆口😎只係可惜凍咗少少🤣味道算係唔錯😉價錢亦都合理🥸作為下午茶嚟講都唔錯😌如果可以再返炸一陣，熱辣辣食🤭效果應該更加好😆超記美食館 (紅磡)紅磡馬頭圍道37-39號紅磡廣場地面13號舖 繼續閱讀

超伯又錯字喇 ﹗都話唔係雞脾咯，不是發脾氣、不是脾臟 ﹗係雞髀從骨部架，捍衞繁體字、捍衛廣東話﹗上水惡魔之橋無牌小販就算唔洗交租、唔洗交稅，雞髀都要成廿幾蚊隻，食水勁深 ﹗紅磡商場舖伯伯賣 $16 蚊巨髀，$10 蚊 5 件煎釀三寶，抵到爛喎﹗會唔會賣得太平呢？簡直跳樓價益街坊，感激不盡，祝生意興隆。檯面餐具油淋淋好可怕，而且筷子滿佈醬油漬，不是每張檯都有杯有茶，我唯有徒手將筷子捽乾淨，心理上都會好過一點。面對住餐具真的有點壓力，最好自備濕紙巾清潔一下，會食得更安心。伯伯真的好招呼又落力，加油呀 ﹗諒解人手不足，伯伯嬸嬸已跑來跑去又有點混亂，出貨係慢少少既。可否搵個較識廣東話返工呢？我完全聽唔明阿嬸講什麼，估死我咩 ﹗想同我玩超級無敵估歌仔嗎？阿嬸有無叮噹既翻譯年糕比我食呢？我依然都係完全聽唔明您講咩啊。咖哩魚蛋，一深一淺，咖喱夠香夠辣又夠濃不水汪汪，鴛鴦色就是賣點？深色魚蛋勁咸喎，浸到黏黏粉粉半溶狀態。淺色魚蛋好鬼腥，就算再淋上大量辣椒醬都幫助不大，質地彈彈不假不會索索聲。炸魷魚鬚，琴日食您唔到，今日仲唔比我食到您！即叫即做，發脹大大條，炸漿香脆鬆化熱辣辣，魷魚鬚勁爽勁彈有海水味︳醃味十分濃郁，有點略咸，不過好香口好味道。有喼汁就更開心啦，我唔要沙律醬呀﹗定價 $20蚊份，份量比較少左一點喎。炸斯華力腸，炸得太燶帶苦澀，硬要刮嘴，不喜歡，還入到口，唔難食既。炸豬大腸，即叫即炸超肥美新鮮，非常好﹗好過翻炸百倍。外香脆肉嫩彈，腸皮鬆化甘甜，腸肉勁彈羶香。不幸地醃味太重，極咸免強下嚥，再淋埋豉油就更加咸喎，不過口感一流呢。我以為係甜豉油，何解會用咸豉油架？而且味道極濁極咸，廉價貨！還以為因為豉油，原來淨食一樣好咸呢。魚肉燒賣，跟腸粉質地差不多的乾硬，麵粉味重，格硬求其吞落肚，難食。齋腸粉，大陸阿嬸問要否豉油？真的有人食白腸粉的嗎？我梗係要混醬，全部都要﹗居然可以難食到依個境界，無奈地放棄！腸粉只食到少少，已盡晒力，剩下全數掉去垃圾桶。雖然腸粉熱騰騰，但麵粉味強烈而霸道，質地乾硬，粉粉的討厭口感，不滑不彈，極度難食﹗豉油很少，只有辣醬、甜醬提供，無花生醬無芝麻。索價 $10 蚊 5 條就非常平喇，最敝質素太差呢﹗民裕快餐及開心美食比較好食。另外，我真係極討厭發泡膠盒架，焗到食物腍劈劈，又有倒汗水搞到食物濕淋淋。用油紙最好，又平又輕便，索走多餘水份、多餘油脂、多餘蒸氣，十分好用﹗包住煎炸、蒸飯、點心、炒粉麵米、串燒、上海包餃，樣樣佳能﹗煎釀三寶，全部一律凍冰冰的。魚蓉失手，何解那麼的粉呢？食不到半點魚肉，硬實的粉團。生生的尖椒只是略略的走油，硬硬脆脆油淋淋似沙律。煎釀紅腸本身熟就正常不過，炸到香口脆身不乾不硬不油便可。煎釀茄子偏生唔夠熟，質地外棉內爽硬充滿水份，再腍一點就更開心。煎釀豆腐，凍凍的，一咬噴水，食落似腐皮，唔難食。炸蟹柳外內腍劈劈，一咬爆油，油益味強烈，完全失望。炸魚蛋，皮香肉黏，結實有少少咸。炸雞全翼，縮埋一舊真係唔多好睇，賣相強差人意，用竹簽吉住拉長會美觀得多又更易熟呢。死氣沉沉似乎都係放左段時間，還以為嬸嬸會幫我翻炸加加熱，竟然直接交比我，照出貨啦﹗冷盤凍冰冰地入口，雞皮腍劈劈完全不脆，皮香肉嫩味道不錯，濃濃醃味，已放涼有點油。炸雞髀，不食不食都還需食，實在太吸引呢 ﹗驚喜萬分，還以為賣剩蔗最後一隻，竟然外冷內熱，還是暖笠笠的呢。薄薄雞皮少少脆少少油，甘香美味，雖然雞皮只是微脆，不過食味非常滿意香口。雞肉雪白彈滑有雞汁，肉嫩香噴噴，醃味可口吸引。大啖大啖咬咬扯扯，脆皮撕裂的聲音勁悅取啊，非常滿足 ﹗連皮帶肉咬才是皇道，好味道呀﹗豉油雞髀，伯伯問要不翻熱啊？好好好，試下翻熱會如何。肥嬸嬸幫我翻熱一下，其實連少少暖意也沒有，浸浸都好既，表面會水潤一點，閃令令顏值都提升不少。咬啖先講，質素味道合格可以接受。呎碼滿意啖啖肉，雞肉較乾有點硬，煮得太熟喇。顏色富光澤蠻吸引，雞皮滑溜溜充滿彈性，雞油豉油芳香，豉油味重而略咸，跟重味雞皮同吃又剛剛好喎，味道蠻吸引的。格仔餅，夾餅？鍋夫？鬆餅？都不知道正確的名字了 ﹗第一次食脆口凍冰冰的格仔餅，唔知放左幾耐，乾乾硬硬，當食餅乾咩？要用多一點牙力撕開嘴嚼，不軟塾使人生厭起火﹗凍冰冰使到花生醬、練奶及砂糖都黏到實一實、一舊舊，沒有流動的感覺。雞蛋仔，見剛剛出爐就買您啦，$10 蚊一底好鬼平喎，都唔知幾多年無食過咯。熱辣辣非常脆口，小部份裡面有蛋夠棉夠嚥韌，最衰大部份空心得個殼，味道甜甜的還可以。滷肉滷蛋嗅豆腐東坡肉飯，舊豆腐都唔嗅既？仲要好滑溜囉！由細到大都對滷肉飯不感興趣，都唔好食既。居然在此地發現高質台食，伯伯您好野﹗真係又幾好食架喎。東坡肉外皮膠膠彈彈的，不是入口即溶，不是燉到啫喱狀那樣，似足炆五花腩再切片罷了。完全不油不膩好通爽，瘦肉位鬆化未算鞋硬，醃味恰到好處，淡淡甜美滷香，食得過﹗滷肉鬆香甜可口，味道清爽帶菜甜又有肉香，不咸不濁，撈飯好好味，就連飯都煮得不錯。雖然我喜歡食乾爽嚥韌有咬口的飯粒，但依碗飯不爛不黏不濕淋淋，剛剛好，合格過關。搭載滷蛋、搭載五香腩、搭載滑豆腐，跟任何一個合體都同樣美味心心眼，意料之外的味道，意料之外的水準啊﹗菜芯就略為遜色，無菜甜味，幸好無渣無澀味。牛三寶湯米線，走蔥唔該，但嬸嬸話無蔥加喎，我見 menu 張相有麻。居然小食店有如此質素，寡人實在驚喜萬分！米線嚥韌白滑充滿彈性，不會腍劈劈。掛上咸版桂林辣椒油夾著腩汁上湯品嚐，真的心滿意足呢。鬆化牛腩高質不乾不鞋，比一般車仔麵檔質素還要高，粒粒完整無缺，不會頭頭尾尾碎濕濕。泛著強而霸道的五香汁味道，略為咸少少，用米線捲著享用就剛剛好喇。牛筋同樣重口味，醃味強勁，軟棉膠滑，食到我心都軟埋。牛丸亦不甘示弱，味道香濃，牛味特濃，粗糙質地有嚼勁。再來幾皮菜芯作結尾，清新又帶爽，多謝款待。雞三寶湯米線，剛發現原來可以免費轉米粉、公仔麵架，加 $3 蚊仲可以轉烏冬或出前一丁添。霎眼望落賣相外觀非常吸引啊﹗排得井井有條骨子靚仔，再望真一點，肉眼都睇得出米線烚到腍劈劈喇﹗心頭一陣酸溜溜好傷心，讚壞左喇﹗碎濕濕、散筲筲，想用筷子都感到非常困難，唯有用匙羮食啦。湯汁香甜濃郁，跟米線一齊掃入口都依舊美味，好好食，但麵質真係好差。雞扒炸到乾爭爭，炸到過晒龍咯，醃味跟炸雞髀一模一樣，好似係雞髀撕落黎一樣，味道就認真不錯。外層炸到乾鞋刮嘴但十分香口，裡面保持彈彈的質地。滷水雞中翼迷你版，程深黑色極咸，咸到苦﹗浸到肉霉不好食。雞翼尖？連住雞中翼架喎，都係好咸，皮滑肉霉。豬三寶湯烏冬，轉轉口味唔食米線食烏冬，平價即食烏冬似噹噹喎。粉口硬淨無彈性，應該烚多幾十秒。米線就唔好烚太耐，過腍架喇﹗豬肉丸外暖內冷，個心仍是冰凍的，少少爽但極咸。豬大腸有著濃烈滷水味道，還食到有八角味，同樣略咸但可接受。南乳豬手夠穩陣，咸度剛剛好，皮爽不油膩，有點肉食下。菜芯爽嫩帶甜，湯底香濃依舊。魚三寶出前一丁，湯底甜美夠熱夠濃，十足住家 feel 呢，無話水汪汪淡荗荗，仲散發菜芯味道。麵條濃厚滾水味，煮好麵才落湯粉撈出來的，白烚麵跟高湯麵係有非常大分別的，一食便知道龍定蟲，幸好麵質都合格，不粉口亦不過腍。條菜芯老到不得了，又硬又韌，不過無渣無草青味。墨魚丸超粉口黏牙，魚蛋偏咸而且外層鞋韌，心有點凍，未能熱透，外皮包住既魚肉算彈滑，免免強強啦。魚皮餃滑潺潺的表皮包著豬肉，不腥不嗅、嚥嚥韌韌，平凡中的唔難食啦，不過 $35 蚊似乎物非所值喇。滷肉滷蛋嗅豆腐香酥豬扒飯，即炸香酥豬扒外脆肉嫩又有肉汁又鬆化，其實真係烹調得不錯，誰知係咪都洒上椒鹽，太過咸喇﹗畫蛇添足，浪費左塊靚靚豬扒啊。滷肉撈滷蛋撈豆腐躺在白飯大大啖塞入嘴仔，不停翻滾打拼，拍案叫絕無得頂，好好食呀﹗何解嗅豆腐唔嗅的呢？仲要勁嫩勁滑，濃濃豆香，Good ﹗滷肉滷蛋嗅豆腐香酥雞扒飯，已叮囑嬸嬸香酥雞扒千奇不要加椒鹽啊 ﹗自稱人氣第一位，不過我覺得豬扒比雞扒更好食喎。雞扒壓得太薄，有豪大大雞排影子，炸到無左雞肉滑彈肥美感覺，雖然快熟但易乾易鞋，而且雞味被炸粉完全掩蓋欠肉香喇。滷肉滷蛋嗅豆腐瑞士雞髀飯，瑞士雞髀？無瑞士既？平時隻普通油髀黎架喎，有翻熱暖暖地，不過比以往散叫時更韌更咸呢，出多點牙力咬吧﹗好多爽甜菜芯呀，鋪到滿滿，多謝多謝。滷肉滷蛋嗅豆腐炸雞髀飯，嬸嬸忌記落滷肉醬呢，我還以為係淨髀飯那麼奇怪，嚇得我 ﹗炸髀保持高水準，皮香肉嫩大大隻，薄薄雞皮十分香脆，一咬一扯，裂裂聲非常悅耳，炸得香口乾爽不肥膩，白肉彈彈又滑滑，微暖夠滿足。豆腐撈滷肉飯連滷蛋白撞得出色好味道，雖然係冰凍菜芯，當沙律食也不錯，夠清甜又爆水，無渣無草青味。滷肉滷蛋嗅豆腐牛筋腩飯，牛筋超級入味，入味到過咸添，咸中又散發出雪蔵味道，質地黏膠不硬可加分。牛腩泛著羶味，入口乾鞋，而且同樣太咸重口味呢。碗仔翅，伯伯問我要否自家製辣菜甫？要什麼調味料？當然什麼都要啦 ﹗不過無落到辣椒油喎，我無辣不歡。溫柔地攪拌一下，不要嚇親碗仔翅，所有材料已均勻，準備就緒，我唔客氣喇﹗大大啖倒入嘴仔，好燙啊 ﹗不過越熱越過癮、越熱越好食。湯底濃郁可口，肉甜突出，蛋花幼滑，還有清爽菇味，真材實料亳不嗇吝，味道不錯不錯，心滿意足。反而粉絲只得幾條乍喎，可能放少一點，質地會薄一點掛。真的要趁熱食，發覺開始凍就越來越鹹喇，辣菜甫鹹味重而辣味微弱，麻麻地。碗仔翅只需 $6 蚊，味道不錯仲有大量肉絲菇絲辣菜甫加蛋花，抵食大大碗﹗諗起上水火車站天橋無牌小販 $10 蚊碗生粉豉油水就把鬼火，無良小販！生菜魚肉湯，湯底清淡，但落得太多麻油喎，生菜油淋淋反晒光。原始質感及味道的魚滑，滑嘟嘟不硬實夠天然非常好。生菜爽爽充滿水份，整體普通平凡。魚肉翅，兩溝加辣椒油，伯伯話識貨一定要加自家製辣油，好香架 ﹗好好好，無問題。撈均一試，味濃香口，不太辣，蠻不錯喎。魚肉天然滑有咸香有微魚味，滿意。碗仔翅有大量冬菇絲及肉絲，真材實料無孤寒。翅底甜美，雖然食到後期有點偏咸，都好好食。 繼續閱讀

搵到間堂食掃街店,,豬大腸,煎三寶,燒賣魚蛋…可以坐定定食,,仲有麵同飯都係約三十幾蚊左右中午肚餓試試佢既飯同麵先,,每個飯都配有 鹵肉+鹵蛋+鹵豆腐 再簡唔同餸唔同價錢,,麵都好特別每款都叫三寶,即係有三個餸咁解,,豬,牛,雞,魚今日試下個雞三寶$32(雞扒+雞翼+雞翼尖)可選米粉,河粉,米線雞扒煎到金黃,,咬落去脆卜卜,,雞翼+雞翼尖鹵得好入味;雖然個湯底無咩特別,但起碼食完唔會好口渴招牌鹵肉飯$33(仲有條菜+鹵蛋+鹵豆腐)熱飲加$5;唔要其他餸其實都好大碗,好夠飽;勝在鹵肉夠多,,唔太咸送飯一流 繼續閱讀

住紅磡關係 ，偶然都會行下紅磡廣場打發一下時間，點知發現左一間小食店，聲稱係荃灣老字號叫超記美食館， 位於廣場地下近門口位置是日賣左$20煎釀三寶有6件另加一個炸油池$8附近多工業大廈既關係 店內亦有賣台式大碗飯同少量麵食當然仲有其他炸雞脾、魚蛋 、雞蛋仔、炸大腸等小食三寶無翻炸過俾我 ，但炸粉無好厚，魚肉味道都唔錯，唔算太大件，一口一啖，個人最中意紅腸炸油池翻炸時炸燶左 ，口感又硬、又乾身敗筆 繼續閱讀