《法證IV》邁入結局篇 收視高企達36點 重頭劇《法證先鋒IV》邁入結局階段,星期一第26集劇情講到高Sir同失散多年嘅妹妹相認,仲流下男兒淚就吸引咗2百幾萬觀眾收睇,收視更高達36點。對有傳法證系列將會繼續延續拍攝,總監製小青姐就有咁嘅回應喇。 主角之一嘅李施嬅因為要接受強制檢疫,嚟緊就冇辦法同大家齊齊睇大絡局揭發幕後黑手,煒哥同阿Shaun雖然覺得可惜,不過都覺得無可奈何呀。 至於被指傳與洪永城不和嘅朱晨麗亦都回應事件,不過佢就希望外界勿再喧染,仲話同Tony冇芥蒂咁話。 一班嫌疑幕後波士做訪問都繼續故弄玄虛,到底邊個忠、邊個奸,邊個喺到講大話?大家就要留意住《法證IV》喇! #法證先鋒IV #結局篇 #李施嬅 #陳煒 #譚俊彥 #朱晨麗 #張穎康 #陳敏之 #張曦雯