(2) 香港01 : 薛家燕娶新抱七公主到賀獨欠馮寶寶　新人即場斟茶
https://www.hk01.com/%E5%8D%B3%E6%99%82 ... F%E8%8C%B6

6公主齊集，現場立即起哄






薜家燕仔仔石耀庭與女友ZEO結婚，並在尖沙嘴洲際際洒店廷開53圍！一對新人連同身家燕姐接受訪問時，家燕姐表示今日心情興奮：「今朝亞仔同新抱敬茶時，係最感動，因為期待呢個日子好耐喇，」
家燕姐還叮祝仔仔要愛護太太，兩人要互相尊重，恩恩愛愛，永結同心！講到一對新人幾時生Ｂ？新郎哥耀庭表示：「我兩公婆都好忙，要努力工作先，做好事業先，先再諗生bb!」家燕姐聽到立即搶說：「我都知佢地好忙，我都好忙，不過都關我事，我會幫手湊孫，忙唔緊要，咁排安出年生啦！哈哈！」引到全場大笑。耀庭接著說：「應該得嘅，不過有啲難，我會努力。」
而跟家燕姐份屬好姊妹的影壇七公主，除了因馮寶寶因身在大馬未能出席外，其餘６人均有到賀，一對新人還即場斟茶給６位長輩，十分有心。

(3) 蘋果 : 【薛家燕娶新抱】豪花約300萬 五公主現身恭賀：連生貴子





今日係幾位公主第一次見到家燕姐新抱Zoe








薛家燕二仔石耀庭（Jackson）今日小登科，今晚喺洲際酒店舉行婚宴，擺咗53圍，據知，過大禮嗰時，家燕姐送左家傳翡翠首飾畀新抱，有吊墜同耳環，由家燕姐婆婆傳到依家，而今晚酒席約2萬蚊圍，連總統套房約120萬，連佈置、禮服、酒水、金飾首飾，粗糙計算婚禮使費總共約300萬。

家燕姐縱橫演藝圈咁多年，一班昔日好友都嚟賀佢娶新抱Zoe，好似七公主今晚有五個會到，除咗馮寶寶喺馬來西亞嚟唔到之外，好似蕭芳芳、王愛明、陳寶珠、馮素波及沈芝華。仲有好拍檔黎小田，還有一班《真情》演員都會嚟，至於其他賓客有修哥胡楓、吳君麗、奚秀蘭、汪明荃、蔡和平夫婦、鄭明明、陳曼娜、朱明銳、王梓軒同父母、雪妮同唐佳夫婦、夏春秋同太太、歐陽震華夫婦、楊怡、胡杏兒、阮兆祥、曾航生、米雪、車沅沅、湯寶如、于洋、徐小明、鄧兆尊、李琳琳、Joe Junior同太太等。

五公主接受訪問時，芳芳姐就話︰「今日好開心嚟飲新抱茶。」而寶珠姐就話做姨媽好開心，沈芝華同王愛明都表示︰「我哋升咗級係做奶奶。」問到送咩禮物畀一對新人，馮素波笑謂︰「我唔話你知。」

家燕話噚晚開心到瞓唔着，寶珠姐話︰「我哋都瞓唔着。」問到有冇見過家燕姐新抱？佢哋異口同聲話未見過，馮素波就話：「睇住Jackson出世同長大，最唔同就係佢嘅身形，以前係肥仔。」問到送咩祝福？芳芳姐送永結同心，寶珠姐話白頭到老、連生貴子，沈芝華話百年好合，而王愛明送永遠恩愛，馮素波話要孝順家燕，一家和睦。問到想新抱生幾多個孫，馮素波就話要趕住上去飲新抱茶。

(4) 汪曼玲facebook 有片
https://www.facebook.com/wong.manling?h ... 3w&fref=nf
(a) 

(b) 

(5) 明報 : 「七公主」排排坐飲新抱茶 馮素波：要孝順家燕 一家和睦
https://ol.mingpao.com/php/showbiz3.php ... e=20180611

(左起)王愛明、蕭芳芳、陳寶珠、沈芝華和馮素波到賀


七公主再聚頭賀家燕姐娶新抱







【今晚直擊】薛家燕今晚娶新抱，七公主中的蕭芳芳、陳寶珠、馮素波、沈芝華和王愛明都有到場，唯獨馮寶寶身在馬來西亞未能現身，家燕姐跟七公主結義金蘭，關係友好，她們到場時大為興奮，期待跟「新抱仔」見面。馮素波說：「我們看著耀庭出世和長大，最不同就是身形，以前明明是肥仔一名。」她們寄語一對新人百頭到老，年生貴子，永遠恩愛，最重要孝順家燕姐，一家和睦。

七公主進場後，以輩份一字排開坐住，輪流接受一對新人敬茶，而二姐沈芝華一邊飲茶一邊開心到笑不停，非常高興。

(6) 汪曼玲weibo : 七公主做姨婆奶奶，接受一對新人Zoe及Jackson敬茶。家燕媽媽笑到合不攏嘴。
https://www.weibo.com/1778813991/GkU0aq ... 8738001515

(7) 徐蓉蓉 facebook
https://www.facebook.com/%E5%BE%90%E8%9 ... 290489021/




(8) 魔方傳全媒照片

(9) 蘋果：薛家燕噏錯自己結婚 陳寶珠篤爆新奶奶恨抱孫

七公主都有上台致辭，陳寶珠就催新郎造人，話家燕姐恨抱孫


Jackson致辭落到數淚，Zoe即為老公印眼淚


薛家燕二仔石耀庭（Jackson）今日小登科，娶新抱Zoe，今晚喺尖沙嘴洲際酒店舉行婚宴，擺咗53圍，喺眾賓客入座後，一對新人喺台上同賓客打招呼，然後新郎攞住個手機嚟讀稿致辭，佢對住任職老師嘅老婆話：「能夠娶到係我福氣，呢一年嚟辛苦你啦！又要返學，又要籌備婚禮，一定好辛苦，不過我哋經歷到，撐咗過去，我相信以後冇嘢難到我哋，多謝你愛錫我同保護我，我會永遠照顧你、保護你，俾你有最大嘅幸福！I Love You！」

Jackson數度因為感觸落淚而講唔到落去，Zoe就幫老公印眼淚，Jackson又感激外父外母、公公、婆婆咁辛苦養育一個咁靚、咁善良又細心嘅Zoe。Jackson又答謝媽咪，佢話：「我自細喺單親家庭長大，媽咪好辛苦帶住我哋三個仔女，佢好努力工作，多謝媽咪！」致辭完畢，一對新人同台下家燕姐都忍唔住爆喊。

新任奶奶家燕姐台上致辭，佢一度開心到講錯係自己結婚咁，佢話：「好多謝大家百忙中嚟出席我今日……我個仔個婚禮。」連家燕姐都忍唔笑，佢話：「對唔住，我呢排成日噏錯。」佢多謝朋友由遠道返嚟，再講到獨力養育三位子女嘅辛酸：「大家都知20幾年我啲仔女好細時，我啲日子唔係咁平坦，個個幾歲大，我擔心唔知點養大佢哋，又擔心自己唔知紅得幾耐，可能一兩年冇嘢做，所以好有壓力。」家燕姐話好彩仔女生性聽話：「在座好多影視界朋友都係我恩人，冇你哋支持，冇你哋愛戴，我三個仔女唔會有咁順風順水嘅路去行。」

家燕姐又話：「我有時做嘢都好糊塗，趕幾組又遲到，大家都好包涵接納我，可以令到Jackson去留學，學成歸來，今日事業有成，重可以成家立室，我真係好開心。」講到呢度家燕喺台上爆喊。家燕姐話Jackson已經係一家之主，叫佢要愛錫太太，又再次大讚有個好新抱。

之後七公主成員馮素波、陳寶珠、王愛明同沈芝華都有上台致辭，寶珠姐話：「七公主裡邊大家姐同家燕係最識講嘢，我同芝華同明明都係咁樣咁樣（意指講說話唔叻），今日家燕做奶奶，係好值得恭賀，你睇佢笑到吖，我淨係見到佢啲牙，見唔到佢對眼，我哋幾姐妹都戥佢開心，我哋祝新郎新娘永結同心，白頭到老，孝順奶奶，孝順外父外母，快啲生個BB俾家燕抱孫，佢好恨抱孫。」