沈殷怡被睇好 牛年飛躍 - 東方日報

    沈殷怡被睇好 牛年飛躍

    堪輿學家雲文子率領4位女神沈殷怡(Shirley)、余逸思(Yoshi)、陳俞希(Hailey)及練美娟,合作主持ViuTV節目《開運旅神團》。講到拍攝趣事,眾女都很大突破,如雲文子放下大師包袱,Yoshi則笑言與練美娟介紹尼泊爾餐廳時要穿上性感東南亞裝束:「我哋只用塊布、幾塊葉、花遮住重要位置,嗰時係冬天,仲要喺條街跳舞,好凍。」阿娟更被爆已搵了個「奶奶」:「我哋去間新疆餐廳,嗰位奶奶見同我好啱傾,話介紹個仔畀我。」Shirley就被騙變得「大食」:「佢哋乜都呃我話係習俗,叫我食。」

    眾女當然叫大師指點牛年迷津,當中Yoshi被睇好最快結婚生仔,她即開心尖叫:「因為我鍾意小朋友,但對象都未有,想要個男朋友先。」至於最有桃花運的則是Hailey,她自爆一直有人追:「但疫情關係追求者數字已經直線下降,冇得出街約人食飯。」

    重口味愛哨牙仔

    現時4位女神都是單身,擇偶條件各有不同,其中Shirley頗重口味,喜歡哨牙、戴眼鏡、瘦削的男生。大師又教路如果想催旺人緣,可以在西南貴人位擺放心形的灰色咕o臣,眾人即大爆Shirley屋企夠大,可以擺到真正的桃花。問到大師同公司藝人誰會星運亨通?她說:「嚟緊係ANSONBEAN啦,以奇門遁甲推算,佢個命宮有開揚、開展、開拓嘅意思,可塑性好強。」女藝人方面,大師就睇好Shirley:「嚟緊1年佢係好大躍進嘅女藝人。」她續笑言因對方屬狗,牛年刑太歲太差,故想給她甜頭。