【聲明】港生活網站並無進行電話推廣活動

男友沈震軒留守內地 陳欣妍新年變宅女

發佈時間: 2021/02/19

陳欣妍去年憑ViuTV行山節目《美女郊遊遊》成功升呢做女神,工作停不了。事業得意,愛情亦如意,陳欣妍與男友沈震軒愛得甜蜜,不過因男友正身在內地拍戲,她今年宅在家中過年,乘機休息一下。

在剛過去的農曆新年假期,陳欣妍難得在百忙中抽空休息。她說︰「新年係一個放鬆、休息嘅節日,自己就最鍾意喺屋企瘋狂睇戲!」她笑言每年都會重看過氣賀歲片︰「我會睇《富貴逼人》、《嚦咕嚦咕新年財》同《家有囍事》,可以笑一餐,亦會歎蘿蔔糕呢啲應節糕點!」她從小到大十分享受農曆新年,母親過年時都會炮製美食︰「媽咪每年都會煮魚,寓意年年有餘!」她坦言去年農曆年期間,因新冠肺炎疫情開始蘊釀,當時已沒有四出拜年︰「我好懷念以前過年去親朋好友屋企拜年嘅熱鬧氣氛,今年留喺屋企煲劇!」

被窒尿頻反應慢

雖然男友沈震軒身在內地準備新戲,未能回港陪陳欣妍過農曆新年及情人節,幸好他識做地送花給女友做補償。談到牛年目標,陳欣妍說︰「最希望拍多啲戲或者劇集,做一個成功嘅好演員,仲要係一個笑匠!」另外,陳欣妍與《美女郊遊遊》拍檔沈殷怡日前為ViuTV節目《有酒今晚吹》任嘉賓,沈殷怡大爆陳欣妍難服侍︰「每日開工,我都好似湊女朋友,佢(陳欣妍)everyday都喺度喊。」沈殷怡又指陳欣妍有尿頻,在叢林拍攝時經常要去廁所。不過,陳欣妍其後回覆傳媒時承認自己麻煩,又感謝拍《美女郊遊遊》時有沈殷怡陪伴。

髮型︰Jo lam @ salon Trinity

化粧︰Winki @ vinciwinki.com

服裝︰b+ab

場地︰Seaview Viva

撰文︰Steven

美術︰梁政敏

攝影︰林良明

男友沈震軒留守內地 陳欣妍新年變宅女

陳欣妍與沈震軒感情穩定。(資料圖片)

男友沈震軒留守內地 陳欣妍新年變宅女

陳欣妍(左)與沈殷怡性格一凹一凸,拍攝時互相遷就。(網上截圖)