丁噹拜完月老開騷就畀人求婚　單膝下跪遞求婚戒指

「全民情歌天后」丁噹日前結束台北、高雄3場「夜遊A Night Tour」演唱會，隨即就趕往廣州開騷，心情大好嘅佢仲用廣州地標搞Gag道：「廣州的小蠻腰（廣州塔）下班了，丁噹的小蠻腰上班了。」時隔2年再同廣州粉絲見面嘅佢，亦心情大靚道：「這次會讓大家解鎖我的很多面向，夠有誠意吧？」並以歌曲《夜遊》為演唱會拉開序幕。

然而，正當現場粉絲陶醉喺丁噹靚聲之際，突然有一位男粉絲無預警衝到台下，拎出戒指向丁噹求婚，令丁噹受寵若驚之餘，亦忍唔住分享自己開騷前去咗五台山拜月老，點知正式開騷就畀人求婚外，更透露道原來係第一次畀人求婚，嚇到個腦一片空白嘅同時，亦睇得對方比佢仲緊張，皆因對方將求婚戒指嘅盒背對佢，而演出結束後丁噹亦喺社交網祝福該名粉絲道：「祝福你能早日遇到未來的另一半，被你疼愛在手掌心的女孩，以後可以帶她一起來看我的演唱會。」