網民:「自己做老細好過」 佐敦琴行九千蚊請全能文員 | 熱話 | 新假期

網民:「自己做老細好過」 佐敦琴行九千蚊請全能文員

有人話搵工唔難請人難,員工當然想人工同工作量成正比,但係從僱主角度就梗係想以低價薪金請到十項全能嘅員工。近日有連登巴打貼出一則招聘廣告,但係工作量同薪金被批離地,究竟係請咩咁巴閉先?

撰文:Evita | 圖片:連登討論區

佐敦琴行九千蚊請全能文員

如果一個人識多樣技能,故然會想做一份薪金相對較高嘅工作啦!近日就有網民喺連登以「香港人依家搵工真係要十項全能」為題,貼出一則位於佐敦嘅琴行營業文員招聘廣告,寫明大學主修音樂優先,做琴行要對音樂有興趣都好正常,但係廣告同時要求應徵者識設計網頁、會計、推廣等近20項技能,但係人工只係得$9,000-$12,000!

果然「筍工」係成功吸引到唔少人留意,有網民睇完都紛紛留言表示「有齊呢啲就唔使做你呢份啦」、「$9000真係良心僱主」。

有唔少網民都話自己有齊咁多技能嘅話自己做老細都得,更有人話自己教琴仲好賺。

又有人話成日聽到中小企老闆話請人難,但係又唔諗下自己出咩offer,真係唔可以怪年輕一代想做政府工。

有網民分享之前睇到份聘用司機嘅招聘廣告,除咗最基本要識揸車外,仲要識影相同執相軟件,笑言:「請designer定係司機?」

網民搞笑地話自己有MBA學位、識洗廁所同演奏級鋼琴等資格,可以返足7日兼收$4500人工。唔知琴行老細會唔會留意到呢位網民嘅留言呢?不仿考慮下佢啦!

雖然廣告寫成近20項要求,但係就有網民表示歸納後只係五合一,分別係「IT、出入口、音樂教師、會計同Sales」。突然感覺要求少咗喎,不過講真就算要求5項專業,人工得$9000確實係比其他工作少嘅。

 

最新吃喝玩樂資訊

Footer