【Emily】不滿穆家駿言論 北角餐廳話唔接民建聯同教聯生意 - 20210730 - 港聞 - 每日明報 - 明報新聞網

港聞

港聞二

【Emily】不滿穆家駿言論 北角餐廳話唔接民建聯同教聯生意

【明報專訊】民建聯成員、教聯會副主席、培僑中學教師穆家駿批評羽毛球港將伍家朗嘅球衣風波繼續發酵。北角餐廳「人人和平小飯店」發出「譴責穆家駿和拒絕接生意聲明」,宣布旗下餐廳唔會接穆家駿及其家屬、未婚妻、培僑中學、培僑中學教職員、教聯會同民建聯嘅生意,直至見到穆家駿對伍家朗真誠道歉。

「人人和平小飯店」喺facebook話,「這不是一場球賽的勝負,是關乎一個人的人格!」帖文形容伍家朗遭一名欠人格嘅所謂教師上綱上線亂扣帽子,結果再戰時要穿上唔合適、唔舒適嘅球衣,批評穆家駿一句不負責任嘅說話,摧毁咗一個運動員5年努力,也可能葬送佢嘅運動員生涯。該餐廳又批評穆砌詞狡辯,「深潛」多日,前日鬼崇發道歉文,文章開端仲話「今天我很高興看到……」,認為佢毫無人格可言。

強調屬人性決定 與政治無關

該餐廳強調呢個係人性決定,唔係商業決定,與政治無關,話過往一直歡迎社會各界廣闊光譜,今次純粹因為極度不滿穆家駿嘅惡行同態度。

相關字詞﹕穆家駿 民建聯 伍家朗球衣風波

上 / 下一篇新聞