2020年大中華基金表現強勁，到左2021年1月大中華類別強勢依舊。但咁多隻不同計劃的大中華基金，名稱唔同，所投資既野又有幾相似呢？
「個豆腐花啲味道咁熟悉嘅？」
「係呀！咪又係百x豆腐花囉！」
「又話隱世小店自家製？原來又用生產商大路貨！咁唔洗咁貴食碗豆腐花啦，落去超市買都得啦！」
以上既情節有無熟口熟面呢？各位一定有試過去了不同的大型商場，店名不同的食肆食飯，坐下後總會發現，看上去不同的食肆都是大集團旗下的品牌，d食品都一樣味；又總會有試過去一些號稱穩世糖水小店食甜品，然後發現號稱自家製的雪糕味道會和超市買的一樣。
強積金內不同的計劃，有著不同的公司名稱，但又有冇人去研究一下不同品牌背後可能係賣緊同樣的基金，但收取不同的費用？
大中華在2020年大放異彩，表現十分突出，我哋就由大中華講起啦！係今條片，我哋會先睇大中華類別內2020年既表現排名，再拆解一下表現最好既大中華基金究竟有乜共通之處。
MPF大中華類的基金共有13隻（今次我們只討論大中華類股票基金，即投資在中、港、台灣地區的股票，而不計只買中、港2地的中港股票基金）。在13隻大中華基金中，有12隻是主動型，1隻指數基金。
大家見咁多個計劃，共有10幾隻大中華基金可以選擇，但大家又知不知道，這10多隻基金，層底的基金，APIF，有著高度相似。
2020年大中華類別內表現排名
大家首先睇一睇個2020年表現排行榜，強積金的大中華類別內，表現最好的是my choice中國股票基金,全年表現十分出色。順帶一提，Mychoice我的強積金計劃內既我的中國股票基金不單是2020年內大中華股票類別內表現最好的基金，也是整個MPF市場內全年表現最好的基金。2020年全年表現超過50%！
大中華類別表現最好的是MyChoice計劃內的我的中國股票基金，緊跟其後係Mass萬全計劃內的大中華股票基金。第3的是信安既動力大中華股票基金，之後第4、5位就係永明、安聯。交銀同AIA就排6、7。
不同的計劃，同樣的基金
驟眼睇咁多個計劃，間間供應商都唔同，大家一定以為係佢哋既大中華基金都係唔一樣啦！
我哋首先就講手嘅第一二位睇起。
第一、二名
第一位 MyChoice既我的中國股票基金，以及Mass萬全既大中華股票基金，
這2隻基金雖然一隻叫大中華基金一隻叫中國股票基金，但係都屬於大中華裡面嘅，同埋都是1對1 直接買入JP Morgan，摩根宜安大中華股票基金。這2隻強積金的底層基金一樣，但表現唔同，主要原因是因為收費不同。根據MPFA的資料顯示，My Choice的中國基金最近期基金開支比率為1.1%， 而Mass 萬全的大中華基金基金開支比率為1.64%。摩根宜安大中華股票基金有幾勁，以及佢同類別以及參考指數的比較，我哋之前都有詳細討論過，有興趣嘅朋友，可以參考返我哋之前啲片。
在2020年度表現排名榜中排第1、2位的都是1對1直接買入摩根宜安的大中華基金。所以表現出色。咁排名第三的Principal又因為乜野原因而可以名列3甲呢？
第三名
大中華類內排名第3的是信安既動力大中華股票基金, 佢表現強勁唔知同佢 ‘動力’有無關，但就一定同佢持有摩根宜安大中華有關。根據資料顯示，該基金在2019年底時持有約85%的JPM大中華基金，而佢隻自家製既信安 大中華基金就只持有15%。
簡單來講，即係頭3甲都係因為買入左同樣既材料，所以出來就同樣味道，而第3位既係因為自己溝左少少自家製配方，所以就失色左啲喇。再睇埋第4位既永明，佢既持有基金成份又係點呢？會唔會又係有摩根宜安呢？
第4名
表現第4位的永明彩虹，表現僅僅差過買重JPM摩根宜安的頭3甲，但又比Allianz安聯好，咁大家又估唔估到佢的基金如何？無錯喇，永明大中華的基金分配，既有摩根,又有安聯，仲有佢獨門配方既景順Invesco。 根據資料顯示，永明大中華在2019年底持有近42%摩根宜安大中華，其餘成份為36%景順的中港基金，22%安聯的大中華基金。永明大中華基金由這3隻基金組成，JPM摩根同Allianz安聯 都係大中華基金，而Invesco 的中港基金顧名思義只是投資於中國和香港地區的股票。在2020年間，大中華地區因為台灣的科技股帶動而表現比中港地區強。所以永明所持有的這3隻基金之間，中港的Invesco中港基金表現最為遜色。而永明大中華基金係2019年底時有36%係Invesco中港基金，所以睇得出應該永明在2020年間都有積極管理，應該加左比例投資在JPM大中華上，所以表現才可攀上第4位。
不是榜首位置原來都重磅摩根
唔單止在榜首位置的基金持有摩根宜安，
在中游位置既AIA大中華基金，其實都有買入JPM的大中華基金。AIA在2019年底時的基金組合為70%JPM,30% Pinebridge 柏瑞。如果該基金在2020年配方成份不變，70%的JPM比永明的多，但整體表現比永明差，所以可以睇出Pinebridge隻大中華真係做得好差，致使持有70%JPM的AIA會跌入中游位置。所以即使基金的大部分買入了表現強勁的JPM，都要睇組合內其他基金的表現。
講左咁耐，大家都有發現係大中華股票這個類別內，貨源單一既情況比較嚴重，你睇個強積金品牌以為係不同公司，其實底層係買入一樣的基金或大部分佔比都係同樣既基金。強積金供應商買入其他基金來構成自身的強積金，可能基於不同原因，可能因為規模，投資管理的人員不足；可能因為投資表現，好似相信摩根等大行的基金的表現不會太差，等等原因。
作為一般供款人，當然想多啲選擇，但又怕揀錯。試問有幾多個mpf供款人會詳細研究，底層基金是大路貨源還是自家製？
去了不同的大型商場，店名不同的食肆食飯，坐下後總會發現，都是大集團旗下的品牌，d食品都一樣味。咁情況只會不斷發生。
美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！
想提早退休? 想提高每月的被動收入?
我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
