VIDEO
早排啲靚女醫務員帶住波波去游山玩水,影埋咁多靚相, 真係羨慕死人,啲靚景打卡位仲旺過旺角, 大家做乜野都好似係一窩蜂咁,就好似投資咁,成日有啲抱團現象, 升開個啲就升到喪,一跌就人踩人。唔想同人迫, 開晒朵的靚景就自然影唔到囉,要靠自己搵秘景,又係唔係咁易呢? 依個情況真係同投資如出一徹。
好,入番正題先,今次點解我唔同佢地一齊去玩呢? 查實「 我也不想努力」呀,哈哈,只係好似應承咗大家,要講下fund fact sheet,就趁呢幾日有時間又有心情就趕起佢啦。
大家睇咗上次條”MPF 裝備小教室”影片未呢? 上次教咗大家點 搵啲基金買咗乜野底層基金,今次教大家另一招,就係點睇fund fact sheet。
fund fact sheet係乜黎架? 佢的中文名叫基金便覽, 就好似強積金基金的成績表咁樣,會有基金在報告期內的表現, 同埋基金的主要資料摘要,包括好多野:
基金規模(淨資產值)
推出日期
基金類型描述
基金的投資政策及目標
投資組合分布及投資組合內十大資產的摘要
基金表現
表現基準(如有)
基金開支比率
基金風險標記
基金風險級別
基金表現評論
強積金供應商每年會出最少兩份基金便覽,匯報上面個D資料, 一般而言,一份會係12月底,另一份係6月底。當然, 唔同的供應商佢地可以選擇一年出多過兩份,增加透明度,有D供應 商係月月出,好似AIA咁,一年出12份;有D供應商係季季出, 好似宏利咁,一年出4份。佢地出咗會將份野放上自己公司的網站, 同埋會放埋上MPFA度。
不過,好似大家都唔係太識係邊度可以搵到呢份fund fact sheet。想搵齊咁多間供應商的最近期fund fact sheet,可以上mpfa網站下載。我會係條片下面的desc ription度放埋條link畀大家。
https://www1.mpfa.org.hk/tch/ public_registers/registered_ schemes_cf/fusearch.do
MPFA網站雖然可以一次攞晒咁多間的最新個份fund fact sheet,但就唔update。我在3月1日個時,係mpfa 網站下載落黎的fund fact sheet,AIA個份居然係2020年5月個份,唔係最UPD ATE個份啦。咁又要再上AIA自己的網站去搵番出黎,到底係A IA忘記將最新個份畀MPFA 上載上資料庫,還是MPFA個邊 無人理係唔係最UPDATE呢,真係木宰羊。ANYWAY,如果 MPFA個資料庫可以更新下,同埋KEEP番過去幾年的fund fact sheet,唔係只得最新個份, 咁對於想搵資料分析的大眾投資者,起碼有D幫助。 因為唔係間間供應商的網站,可以搵得番晒以前咁多年落黎的fun d fact sheet囉。
咁點樣睇呢份季報呢?
係同大家講點樣睇強積金嘅季報之前, 先要同大家睇吓點樣搵佢地出嚟,唔係間間都咁容易搵, 又唔係間間都每一季先出嘅,好似aia咁就每月出一次。
最難搵嘅係邊間?
AIA、Sunlife係數一數二難搵嘅,你試下唔好google,直接 入佢網站睇下搵唔搵到?可以係網站入到去搵份fact sheet既,記得留言話畀我哋知你點搵呀!畀十個讚你!
一份基金便覽入面講咁多隻基金,每一隻基金又咁多資料, 等我哋慢慢逐項同你哋講下啦
即係隻基金既size有幾多錢,同幾時出世,本來呢兩個項目同大家冇乜關係嘅, 但大家要留意既係如果隻基金嘅基金規模比較細, 可能佢嘅開支比率就會比較高,因為通常會有一啲費用係固定費用, 如果基金規模細既話,攤分後就會拉高開支比率。 另外如果隻基金係剛剛出生, 又有可能會有一點出生時既費用係之後幾年攤分, 所以剛出世既基金既開支比率又會比較高。
呢個項目都幾有用,因為會比你知道呢隻基金係買股票定買債券, 定係兩樣都會買,相對百分比係幾多。
唔知有無人細心睇過基金既投資政策及目標呢? 係呢個項目你會見到幾段文字,但對住呢幾段文字, 個感覺就好似你見到一啲古代經文咁,
你明嘅,就會知道佢講咗好多嘢,你唔明嘅,睇完都係唔明。
點解咁講呢,舉個例子啦
就以永明彩虹計劃既強積金增長基金growth fund來做一個例子啦,大家會見到佢個季報入邊嘅投資目標, 咁樣寫住
「此基金務求向成員提供中至長期的顯著資本增值。」
睇完,你又對佢嘅投資目標又理解到乜呢?
呢個情況唔係單獨一間公司係咁,我哋又睇吓另一間公司aia, 佢既北美股票基金嘅投資目標係咁寫:
「透過主要投資於美國公司之股份的相關核准匯集投資基金, 以提供長期資本增值。
此基金乃屬連接基金,只投資於一項核准匯集投資基金。」
上段文字就係直接由文件抄出黎, 大家睇完除咗知道呢隻北美股票基金係投資於美國公司既股票之外, 大家又明到幾多野呢?
季報會公佈基金既十大持倉,所顯示既係股票或債券,
但如果隻基金係fund of fund形式,即投資係其他基金既話, 咁十大持倉中就睇唔到佢係買左邊隻基金。 只係睇到佢加埋咁多隻基金的股票或債券持倉。
又同大家分享一啲有趣既發現啦
之前係其他片中都同大家講過,MyChoice既港股基金係一對 一直接買入富達既港股基金,而富達既港股係用左秘技,大家又係睇 fund fact sheet見到,睇佢隻基金既十大持倉就會發現, 係十大持倉入面,有一隻係A股。
我哋另外有一片又講過,匯豐既中港基金嘅持倉入面,有10%買左 2800盈富基金。依啲都係睇這個項目睇到架。
成日話投資涉及風險,咁一般講既風險係乜呢? 一般人講既風險可能係蝕錢啦, 但基金風險標記所表示既風險就唔係蝕錢。 佢係用基金回報嘅波幅來量度。
基金風險標記係用數值顯示基金的風險水平,數值越大風險就越高。 風險越大,即係代表基金回報嘅波幅越大。風險標記是根據基金過往 3年的按月回報率計算出來的年度標準差。
但一般人對風險標記這個數,未必掌握到,所以mpfa又要求供應 商係fact sheet入面加入基金風險級別
喺而家強積金嘅基金便覽入邊,佢係用緊七個風險級別,一至七。 咁最少嘅一就代表基金回報嘅波幅年化標準差係少於0.5%, 而風險最高嘅七級,就代表回報波幅既年化標準差會大於25%。
如果大家見到有一啲基金係冇呢個風險標記,點解呢, 就係如果去成立不足三年,就冇呢個風險標記。
基金嘅表現,表達時,可以做累積回報或年率化回報, 至於有咩分別呢,累積回報, 就係表示喺顯示嘅時間來舉例又表示嘅嗰日計起前一年三年, 嘅總共回報,而年率加回報, 就係表示基金喺果斷期間內嘅年度平均回報即係可以提升喺果段時間 內再化返做平均每一年有幾多回報。
有啲基金就會同基準,即benchmark比較,有啲就無。 通常如果係指數基金,好似我哋睇下匯豐平台上既恆指基金咁,佢係 fact sheet就顯示左基金嘅回報,同埋指數嘅回報。 而同一平台上既中港股票基金,就只係出咗基金嘅回報, 而冇指數嘅回報。
一般話冇比較就冇傷害,顯示左基金回報同指數回報, 你就一眼睇到個分別。我哋睇返匯豐嘅恆指基金,2020年, 恆指跌咗-0.46%,而基金跌咗-1.14%, 個差別係啲費用等等。小數怕長計,隻基金係由2000年開始, 大家比較下成立至今嘅表現。成立至今,指數回報係269.27% ,而基金係178.70%,相差成90%
叫得做評論,一般都會講下所投資既市場係過去果段時間既表現, 又會講下基金表現成點,邊方面做得好啲或差啲, 又會講下對後市點睇。但理論上就會好精彩,你睇完會清楚好多, 但實際上係點,表達既意思有幾精準,就因人而異了。睇得多啲, 你就會學到審慎樂觀呢四個字,因為除非好特殊情況, 一般問基金經理對後市表現既睇法, 都好少比一啲兩極化嘅睇法通常都會中間編好。
Fund fact sheet基金便覽同年報 annual report,都係屬於公開文件, 令你所投資左嘅強積金嘅基金會多左了解,但兩份文件, 公布嘅時間唔同,公布嘅次數又唔同。 所以最後點樣理解隻基金優勝或差嘅地方喺邊度, 一般人可能會有難度去理解,唔識唔緊要呀,大家繼續留意我哋MP F醫務室啦,我地會話你知嘛。
所以,你一定要㩒咗subscribe先啦,跟手like埋同s hare畀朋友,我地下次再見,bye bye
延伸閱讀
美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股 》免費報告。立即按此 下載!
想提早退休? 想提高每月的被動收入?
我們撰寫的《必須收藏的收息股投資指南 》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此 免費下載!
本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)