6
1
1
港鐵會展站B2出口, 步行約11分鐘; 萬麗海景酒店大堂電梯8字樓
繼續閱讀
電話號碼
23329383
營業時間
今日營業
11:30 - 15:00
17:30 - 22:30
星期一至日
11:30 - 15:00
17:30 - 22:30
以上資料只供參考, 請與餐廳確認詳情
法國除咗有法國賭神Pierre Garçons 外 ， 仲有法國酒神 ， 適逢老友記牛1， 去灣悅飲飽食醉菜式由郵差處理、穩陣過定期存款之餘、又別出心裁，其中琵琶鴨真係好靚、第一價錢公道$880、第二酥而不膩，好似去了大不列顛唐餐館食香酥鴨、但肉質又不會乾柴烈火海南式扣羊腩：香港食羊腩煲10居其九一係雪腩、就算表明新鮮腩都會因為成本關係混入雪腩，但這道羊腩來自海南，全新鮮，內裏更有羊雜、味道不重口味、你會吃到羊味、也不需要過濃的醬汁、好正看似一道芥菜膽，簡單一個比喻用10斤菜批掉只剩下一斤最幼嫩的部份，邊吃邊想着一套經典港產片「蜜桃成熟時」 🍑臘味煲仔飯：靈魂臘味10分好味、據說臘味來自某間本地品牌特別調製的👍整晚10分精彩、旁邊又有品酒大師勃根地肚腩先生循循善誘教導，絕對「酒食兼收」 一樂也
繼續閱讀
今天去會展的參觀展覽前，就去了酒店內的這間酒樓飲茶，由於不是很餓，所以只點了幾個點心淺嚐一下，由於在酒店裏，所以是走高檔路線的，因為每份點心都只有2件，而且價格也不便宜。雞粒荔芋角 $50/2件基本上每次去的酒樓有這個點心我都是必點的，這個也是達到一貫水準，感覺還可以多吃一份。香煎臘味蘿蔔糕 $50/2件這個我個人是挺喜歡的，因為不會有只食粉漿的感覺，裏面的蘿蔔絲亦比較足料，不用點醬也夠味。蟹籽鮮蝦蒸燒賣 $50/2件這個下次應該不會再點，因為感覺裏面的蝦肉不夠新鮮，吃下去有點不新鮮的味道，而且質感也不夠爽口。鳳城蒸粉果 $50/2件這個純粹因為放了我不喜歡吃的西芹、芫荽，所以不喜歡。咖哩蒸土魷 $68/碟咖哩味挺濃的，而且魷魚很軟淋，是一口可以咬開的那種，挺適合牙口不好的我。紅油抄手 $78/5粒上桌時紅油和抄手是分開上的，而抄手就是大粒餛飩，饀料是有很多肉及蝦的，而紅油比較辣，不過建議大家多拿一些紅油，因為不太夠點。總括而言，食物質素正常，不過地方的空調比較大，會有點冷，而且食物也不是第一時間送到枱上，而是先放到一旁等樓面上菜，這樣感覺有點不良好。
繼續閱讀
讚1 菜式好味 乳豬出色 皮薄香脆 醃味剛好 肉質嫩滑得黎係入味既 點心大都好味 蝦餃有肉汁 芋角鬆化 西洋菜陳腎湯好甘甜 菜式唔花巧但好味2 環境寧靜 無乜人彈1 服務要改進 成六七百銀一個人既餐廳 實在唔應該係有人仲食緊時清地執檯搬櫈同催埋單2 千層糕係壞左噃
繼續閱讀
想試新餐廳？要三思！粉葛赤小豆煲鯪魚例湯6碗，盛惠HK$720，如無計錯，即每碗HK$120，正常飯碗size，如此「平宜」的例湯，香港可能只此一家。其他食物質素一般，但價格「高尚」，加上「熱情」的款待，經常有人向你極力推介「珍寶」，令你食完之後，會有一種難言的「激情」，而且能令你的「激情」久久未消。如此「高級」食材、「高質」服務，肯定令你一試難忘（如果閣下血壓持續過低！）。單看點心的價格，聰明的你必定心領神會這個total experience 有多麼「高貴」，才值這個盛惠HK580一位的午餐。燒鵝更是為了測試你的健康而設，當你肯定你牙力驚人，必定要一試！如此「周到」的服務，那裡找到？只此一家！
繼續閱讀
7368 瀏覽
收到風舊年「家全七福」部份職員被拉攏往灣仔開設另一高級中菜廳「灣悅賞．中菜」，九月份終於有緣一試。極俱氣派嘅餐廳全店舖有厚厚嘅吸音地毯，接待處及走廊通道闊落通爽。圍繞內牆嘅酒櫃內都係名貴佳釀。不得不提嘅就係洗手間區域除咗全電動及以動態感應操控之外，男女廁均為獨立房間，衛生得很！左邊嘅用餐大堂午市主要做飲茶散客，夜晚好多時都會間成大小不同嘅獨立房間，亦歡迎貴客打通哂黎包廳，最低消費會因應佔用嘅面積而定。右手邊一列則全為「梗房」。八人派對就係被安排於其中一間內進行。光線充裕嘅私人廂房空間感足，有專人貼身招待，私隱度高，十分舒適。餐桌中央嘅琉璃擺設晶瑩剔透，特顯豪華高雅嘅氣質。開瓶費設於$300/樽標準裝紅、白、汽酒。桌上擺有齊備嘅自用及公用餐具。菜單早已訂好，餸菜均由服務生續一分配。前菜先以拼盤呈上。其中一款「桂花脆鱔」小肥唔敢食。滷水醉鮑魚：預先切好嘅鮑魚片潤甜得黎酒味唔會過火。雞子戈炸：熱辣辣嘅功夫點心外層巧薄帶脆，雞蛋餡心幼嫩軟綿，細膩之作！椒鹽田雞腿：田雞腿望落雖則唔油，但食落就過腍同偏咗少少韌，唔夠香脆，甚為失色。大紅片皮乳豬：限聚令下一圍只可以坐八人，一隻乳豬真係冇可能食得哂，真係要讚一讚餐廳夠靈活變通，喺咁特殊嘅情況下容許貴客叫半隻。每人一份調味醬料，仲夠哂衛生添！燒至紅紅嘅乳豬皮不單零脂肪，入口鬆脆無比，最緊要係化於舌上，超！分完乳豬皮後，姐姐即穿上手套，於側旁熟手地手撕二道。手撕出黎嘅乳豬肉幼嫩軟潤，實滋味無窮！鮮蓮冬瓜盅：冬瓜盅原盅上，配料嘅蟹肉、燒鴨肉、青瓜舖哂喺面，夠哂真材實料！大大件冬瓜半腍半爽，高湯底亦鮮味香濃，湯料中嘅蟹肉厚潤甜美，燒鴨肉嘅肉汁豐沛而且完全唔乾唔嚡。蟹肉桂花炒海虎翅：金黃亮麗嘅桂花翅好夠乾身，海虎翅粗長透光，混入芽菜炒製足以添上爽甜。雞粒荔芋角：傳統點心嘅蜂巢外層鬆脆酥化，毫不油膩，芳香軟潤嘅芋蓉包住嘅雞肉粒粒都好潤甜。薑葱龍蝦球炒腸粉：如相所示，以砂鍋上嘅龍蝦球炒腸粉熱到出哂煙！龍蝦球爽脆彈牙，伴配嘅腸粉更加係入哂味。灣悅炸子雞：紅卜卜嘅炸子雞皮層香脆，連一向最嚡嘅雞胸肉都軟嫩潤滑，好雞也！棗茸糕：層次分明嘅棗茸糕煙韌有彈性，微甜不溜滯，簡單可口。高級中餐廳「灣悅賞．中菜」環境優雅有氣派，防疫措施尤其到位，服務稱心周到，懷舊粵菜高質味佳，絕對做得到店名喻意著嘅於「灣」仔喜「悅」地欣「賞」傳統「中菜」。
繼續閱讀
您可能會有興趣的...