歐陽巧瑩認臭檔 林師傑靠氹拍飛釘照|即時新聞|繽FUN星網|on.cc東網

歐陽巧瑩認臭檔 林師傑靠氹拍飛釘照

20170613
東網電視
更多新聞短片
原來歐陽巧瑩的飛釘照是由林師傑操刀拍攝。
藝員林師傑、歐陽巧瑩、羅天宇、蔣家旻、邵珮詩、黃碧蓮在將軍澳電視城為明珠台《新福爾摩斯》節目舉行記者會,眾人擺出「最佳拍檔」甫士,當中自然以情侶林師傑與歐陽巧瑩的甫士最甜蜜。
林師傑與歐陽巧瑩最近到美國旅行,順道為女友拍攝靚相支持她響應「解放乳頭運動」,歐陽巧瑩上載的真空凸點性感相成為網民熱話,林師傑「投訴」女友沒有公開相片是由他操刀,他說:「啲相全部都係我影,佢好大膽、好有勇氣,喺條街釋放自己身段,好藝術家。女仔好慘,成日畀人?,佢選擇我行我素,所以好支持佢,輯相影得唔錯,返屋企唔使跪玻璃。」
噴血祼照供自己欣賞
歐陽巧瑩則自爆影相時脾氣大:「自己影相嗰陣脾氣好臭檔,因為影相溫差好大,凍到鼻涕係咁流,真係辛苦晒佢。」林師傑笑說:「平時佢唔使氹,今次學識點氹佢,仲培養咗影相興趣。」歐陽巧瑩則笑說:「我淨係畀你一個人影,你唔好影其他女仔。」
二人還透露影了一輯不能公開的性感照私藏,她說:「啲相幾乎係全祼,趁自己24歲影低將來畀仔女同孫睇。」林師傑說:「佢開心就得,自己都影得滿意,出嚟效果唔會低俗,表現到自信一面。」歐陽巧瑩希望大家多支持活動,網上帶有有色眼鏡的惡意批評對她沒有影響。問不戴胸圍會否擔心乳房下垂?她說:「唔會,自己鍾意舒服,平日好多時都唔戴胸圍。」
缺席聆訊惟有交罰款
談及違例泊車被抄牌後未有按時繳交罰款,被追加罰款及堂費共1,080元,林師傑表示不服上訴,但昨日卻缺席聆訊:「因為住村屋收唔到$320罰款通知信,收到信已經要畀$1,080,原本尋日諗住出庭上訴,但因為有嘢做去唔到,惟有之後交罰款。」