【開心速遞】合家歡時段都玩SM情節？ 歐瑞偉：已經第三次扮女人
撰文：溫菁莉
出版：更新：
最近TVB播出嘅劇集就好似《踩過界》同《賭城群英會》咁，都加插一些重口味情節，例如《踩過界》中蔣家旻慘遭密室禁錮，甚至連夜晚合家歡時段8點播出的《愛．回家之開心速遞》都有。明明平時播出嘅都係講下家人工作嘅「誤會」劇(因為劇中經常有誤會)。而日前就播出兩個男人Terry（李偉健飾）同佢舅父KC（歐瑞偉飾）身上，不知會不會嚇親一班家庭觀眾呢！劇中被「虐打」的KC直言，「唔知出街會唔會被人打，但今次絕對唔係咩變態情節，係點到即止。」
呢幕真係好爆!!!
+2
早前歐瑞偉在《愛．回家》中已經扮過女人！（微博圖片）
呢集就講到KC被女友Helen嘅好友栢菲見到購買情趣用品，Helen當然好嬲，以為男友出軌。原來KC只是為姨甥Terry為電影《格雷18禁》（擺明係講《格雷的五十道陰影》)排戲，因為Terry找不到女對手，只好搵舅父KC頂替下，55歲的歐瑞偉還要cosplay帶住金色假髮著埋水手裝，真係幾爆！
歐瑞偉接受《香港01》訪問時被問到會否覺得重口味？他笑言都覺得有少少重口味，「主要講terry有份做《格雷18禁》排戲，都係好搞笑啫，將佢輕鬆化，只有一小段。」《愛．回家》過往都曾有摹倣電影情節，當時歐瑞偉同姚瑩瑩有扮過電影《2046》的角色。至於今次要cosplay美少女，歐瑞偉坦言是第一次，「其實我扮女人都唔係第一次，今次已經係第三次，之前有扮過村姑。」扮咁多次咪好得心應手，歐瑞偉笑言，「都係㗎，主要係想觀眾開心下，笑下。今次絕對唔係什麼變態情節，都係點到即止。」佢仲話之後劇情已經恢復正常，未再有《格雷18禁》嘅戲份！