《收復分水嶺》
放左十幾日假,聽日終於都開工喇。咁岩12月恆指又做得好,不如就同大家跟進下港股既中長線走勢,當係warm up啦!跟開我既粉絲都應該知道,咩叫做恆指250週線同50月線,我就唔多講喇,總之呢兩條線可以話係牛熊既重要分水嶺,250週線間唔屎假突破既,所以,我亦唔介意等埋50月線確認企穩先至出po,反正只要企穩到既話就唔憂追唔切,因為後市隨時仲要升成幾千點。

好喇,睇返圖表:恆指响11月底一度突破50月線但係衰收尾,最終都收唔穩而形成上影線、假突破,正路都要再等。到左12月,恆指順利以陽燭收穩响50月線,亦即打破左2018、19同20年間,一直行之有效既「真。牛熊分界」因此可以總結:今次恆指自上年3月反彈上到黎26700附近,唔係熊市反彈既終點,而係開啟真、新牛市既起點。以過去三年既幅度計,上方應該看三萬點。

我之前話過既,如果恆指順利突破呢條線既話就要搬老強,由保守基金轉去港股甚至係恆指追蹤基金。不過我一定要帶頭盔,因為大市點走我係無可能百分百講得實既,只係把握性合理地高咁解啫。因此現時買入既止蝕位要set返响26000全個月收穿,而目標係30000;即係用downside 1000黎博upside 3000,值博丫。重申:以上所講既係老強策略,唔該唔好用一兩日波幅黎query我。

🤗

#港股 #恆指 #牛熊分水嶺 #強積金 #中長線投資

No photo description available.