【明報專訊】有機會唔使再捱貴機票啦。大灣區航空噚日宣布，推出飛「悅」套票優惠，由噚日起至6月30日止，可以最低1980元入手亞洲熱門航點的來回行程機票3套。
今次套票優惠涉及嘅航點為台北、韓國首爾、日本東京同日本大阪，即你可以一年內飛3次台北的套票2000蚊有找；香港人咁鍾意返「鄉下」，一年內飛3次日本都係3180蚊起。大灣區航空仲話，套票除咗包括埋每程7公斤手提行李限額，亦會附送20公斤託運行李。
不過，去搶機票之前都要留意幾點，一嚟呢個套票售價並唔包括相關稅項及燃油附加費，而且報名個時要3套一齊出票同埋要定埋日期同航班，每程最多停留14日。
最重要嘅係，想買票係要前往大灣區航空客戶服務中心，又或者填妥表格，再send email去公司或聯絡本港旅行社。
