樂悠咭係八達通?經常被誤叫 綠悠咭 ?關於樂悠咭你應該知道的10件事 Web Interstitial Ad Example

樂悠咭其實係八達通?經常被誤叫「綠悠咭」?關於樂悠咭你應該知道的10件事

年滿60歲可以申請樂悠咭,但樂悠咭到底係咩?申請後有咩優惠?點解咁多人叫佢做「綠悠咭」?以下係10件關於樂悠咭你應該知道的事!

綠悠咭

1. 年滿60歲,或者響未來3個月內年滿60歲,並持有有效香港智能身份證的香港居民,都可以申請樂悠咭。

2. 樂悠咭其實係「八達通」的一種,根據「八達通」公司網站,樂悠咭係專為60歲或以上香港居民而設的全新租用版個人八達通卡。

3. 樂悠咭持有人可以享用2元乘車優惠,乘搭多種公共交通工具。

4. 目前有2個方式申請樂悠咭,包括:郵寄表格、用八達通手機APP申請。後者比較適合對數碼科技有一定認知的樂齡人士使用。

相關閱讀:詳細教你申請樂悠咭!60歲可享2元乘車優惠

5. 成功申請後,會響4星期内收到樂悠咭。

6. 第一次申請樂悠咭完全免費,申請費用由香港政府資助。但如果係遺失後補發,或者係退咭後重新申請,八達通卡有限公司就會收取同租用版個人八達通卡相同的手續費。

7. 樂悠咭將逐步取代不記名長者八達通,現時65歲或以上人士都可以申請樂悠咭,以便未來繼續享用2元乘車優惠。

8. 因為樂悠咭咭身係綠色,加上「樂」與「綠」讀音相似,所以成日被誤叫「綠悠咭」。

9. 樂悠咭經常被誤會等同長者咭,但其實兩者並唔相同。長者咭持有人需為年滿65歲的香港居民,憑卡可以享用政府部門、公共運輸機構同埋商號為長者提供的優惠票價、折扣同優先服務等等。雖然有部份商戶會將優惠普及至樂悠咭持有人,但正式來說,樂悠咭唔等同長者咭。

10. 樂悠咭目前主要功能係畀60歲或以上人士享用2元乘車優惠,不過響2021年立法會一個委員會上,有議員問到「樂悠咭」未來可唔可以一咭多用,享有埋「長者咭」的優惠?勞工及福利局局長羅致光回應,概念上「樂悠咭」可取代「長者咭」,但需要等待合適的時機,至於能唔能夠享有優惠則屬於商戶的商業決定。

相關閱讀:樂悠咭 長者咭有咩分別?享用優惠有唔同!65歲或以上先可以同時擁有兩張咭?