Netflix第二部原創華語劇《極道千金》 暖男劉以豪拍檔運動女神劉奕兒演銀幕情侶
似乎係唔會有Netfilx原創香港劇集。
Netflix推出第二部原創華語原創劇《極道千金》早前公布預告、海報、同劇照，由劉以豪同劉奕兒主演。
《極道千金》劇情講述飾演黑社會世家嘅千金小姐劉奕兒為左接近偶像劉以豪，應徵做保鏣混入經理人公司。其後劉奕兒因為畀老竇逼婚而家出走，搞到畀大批黑社會圍捕，之後劉以豪揸住架跑車救走佢。之後就係黑社會少女，追求偶像靚仔嘅故事。
網上圖片
出道十年嘅劉以豪向來有「完美暖男」、「國民男友」之稱，當年憑藉台劇《我可能不會愛你》一舉成名。近年就成為電影賣座保證，佢主演嘅《比悲傷更悲傷的故事》喺台灣大賣48億台幣，創造票房神話。今次劉以豪喺《極道千金》算係做返自己，連戲都唔洗做。
網上圖片
劉奕兒喺《報告老師！怪怪怪怪物！》飾演睇唔到原本係咩樣嘅怪物，《第九分局》飾演記者，今次喺《極道千金》就飾演極度好打嘅黑社會大小姐。喺劇集入面，劉奕兒要飛車又要近身搏鬥仲要槍戰駁火，展現身手。
網上圖片
劉奕兒向來熱愛運動，讀緊大學嗰陣己經有「體育系女神」嘅稱號（雖然佢大學主修新聞系），今次劇集就完全善用佢嘅身手體能。
《極道千金》將於 12 月 6 日上架Netflix。
