過去一年，好多人都喺香港發掘新景點去個小旅行。個人就鍾意小店林立嘅港島區，特別天后一帶有好多唔顯眼嘅小店一直默默耕耘，呢間「黑木亭居酒屋」就係其中之一喇。老闆娘坦言一直堅持係CP值高又有主食嘅串燒店，專注串燒、日本和牛、即日入貨游水海鮮，仲好開心有班熟客欣賞佢哋嘅食物。而且每道菜都Igable，有別於一般串燒店。
連殼都唔放過！半價HK$239(二食)/ HK$599(三食)享龍蝦三食(原價HK$1,198)
店家除咗有日本直送海鮮，仲會每日親到街市買游水海鮮，並可代客預訂各類鮮魚、鮑魚、扇貝等。而我個人就一定預約呢道「龍蝦三食」，因為澳洲龍蝦一向比波士頓龍蝦厚肉貴價，份量2至3個人Share 都得，今次半價仲有三食CP值極高！
第一食: 大廚將龍蝦頭切開灑鹽，再將蝦膏燒香逼出鮮味，香濃甘香。
第二食: 依據日本做法將龍蝦肉加入龍蝦膏、蘆筍、蟹子炒香，唔額外加入太多調味料，單靠龍蝦膏吊起鮮味，食嘅係龍蝦本身嘅鮮甜。
第三食: 大廚最後會將龍蝦殼加入味噌煮湯。好奇一問要煲幾耐？原來短短5至10分鐘已煲出龍蝦味，只因新鮮龍蝦殼本身夠晒濃香。
仙氣十足！日本產A4和牛魔方
散發輕煙嘅玻璃箱好夢幻～而且牛魔方一口一粒，女生一定要Order!! 其實牛魔方係大廚將板燒牛肉燒至5成熟再切成魔方Size，和牛粒更彈牙有咬勁，邊咬邊滲出肉汁。和牛燒至5成，熟度剛好突出肉味又唔會韌。
題外話一提，唔知你會唔會同我一樣鍾意法國芥末子醬，唔會好似美式芥末咁嗆，細緻輕辛又有少少白酒酸好突出肉味，幾驚喜呢間日式料理店都附呢種醬。仙氣玻璃箱加上一口牛，都係女生鍾意嘅元素！
岩手縣A4和牛主題 超厚切吉列和牛三文治
呢度仲有好多人氣和牛菜式，將日本岩手縣A4和牛做得出神入化。個人次次都忍唔住食嘅係超厚切「日本產A4吉列和牛三文治」！
和牛厚度真係會嚇親你，我哋早於11月就食過呢道和牛三文治，半年過後依然咁厚呀！難怪老闆娘都話有熟客戥佢哋唔抵啦(笑)。最欣賞係炸漿好薄脆，唔會掩蓋和牛鬆軟口感，油花依然慢慢融化口中，加埋海膽、黑魚子醬嘅鮮甜鹹香，無論味道同口感都好豐富。
粉嫩粉嫩嘅吉列和牛，叫人點忍……
和牛最原始味道！日本產A4和牛他他
作為牛控，最開心係食到最原始肉味。呢度嘅和牛他他將牛肩肉輕燒至一成熟，再以極薄切刀功，保留和牛原始肉味同軟綿綿口感。因為牛肩肉係牛隻經常郁動位置，所以牛味都特別濃㗎！
開動前，老闆娘細心提醒一定要將牛肉包住洋蔥食，洋蔥辛甜味會吊出最強肉味。加埋特調酸汁，肉味以外仲有啲微辣輕酸，食得幾過癮。
打卡玻璃盒 盒仔鮑魚
放於玻璃盒中嘅鮑魚極唯美，閨蜜約會一定要嗌一份影相Share。鮑魚厚肉Q彈，簡單用鹽、豉油調味提鮮就得，係日本人最鍾意嘅簡約料理。
一系列日本雪糕甜點 生日免費自訂祝福語
店家引入多款日本雪糕口味，並配上各款甜品同裝飾，為朋友慶生記住提前通知餐廳自訂祝福語喔。
日本產雙球雪糕: 雙球雪糕有海鹽、柚子口味。日本雪糕比較清甜清爽，同熊仔冰一齊放喺浴缸超可愛！熊仔冰其實係紅茶嚟㗎，配雪糕食好解暑。
日本產雪糕 配蒙布朗: 士多啤梨蒙布朗口感綿綿又有微酸果香，入口慢慢化開，另外仲有粟子口味揀。
打卡飲品 唯美顏色．可愛熊冰
呢度有多款打卡飲品—「北海道芒果牛乳乳酸」、「洛神檸冰」、「蜜桃烏龍熊茶」、「士多啤梨多多熊冰」。當中「洛神檸冰」、「士多啤梨多多熊冰」可HK$10加燒酌，更有居酒屋風味。
(左起)「北海道芒果牛乳乳酸」、「洛神檸冰」、「蜜桃烏龍熊茶」、「士多啤梨多多熊冰」。
指定清酒買一送一
任何750ml 清酒都提供日式酒壺，邊飲邊斟好有氣氛。
午餐快食解暑！夏天限定「稻庭烏冬餐」 HK$98 (原價HK$128)
夏天限定「燒春雞稻庭烏冬餐」半隻法國燒春雞大份量，灑上百里香焗得香脆。
店家秘製黑松露忌廉湯、蟹肉龍蝦湯、芝士濃咖哩湯口味，另有日式清湯揀。
除了燒春雞外，並配有另外4款日式料理以供選擇。
(左上起) 鰻魚、清酒煮蜆、牛油炒雜菜；(右下起) 法國燒春雞、串燒三串。
優惠一覽！ 1)「澳洲龍蝦二/三食」半價低至$239 HK$239(原價HK$478) (二食) 蘆筍蟹籽炒龍蝦球+龍蝦麵豉湯 HK$599(原價HK$1,198) (三食)燒爆膏龍蝦頭+蘆筍蟹籽炒龍蝦球+龍蝦麵豉湯 (三食必須預約) 2) 晚市優惠單點餐牌88折(飲品除外) 週日至週四(公眾假期及節日除外) 3) 指定清酒買一送一 4)「午餐新驚喜稻庭烏冬餐」HK$98 (原價: HK$128) 另串燒每日午市8折 5) 生日/週年/節日慶祝訂座，消費滿$1000送指定祝福語甜品1款 |
黑木亭居酒屋
地址: 天后清風街10號清風大廈地舖
電話: 26606373