房委會職員同樂會餐廳

營業中

休息中

今次嘅飲茶 只係三人叫三餸😂🫖有魚香茄子、魚柳西蘭花、豆腐～我覺得茄子真係好令人食慾增加 從而不斷送飯食🍆而西蘭花都OK㗎，不過魚柳真係…我麻麻地佢啦🥲豆腐就係類似紅燒豆腐咁

本來對呢間食肆印象好好，今晚再一次光臨，問侍應有什麼海鮮推介，佢推介左一碟龍躉枝竹火腩，等左一個半個仲未到，催左3次，終於到咗，食食吓發現原來五係龍躉， 於是搵職員了解，職員堅稱係龍躉，於是唔再糾纏落去，到結帳返屋企睇返張單先發現原來真係比錯咗，張單寫住斑腩，早知斑腩就五叫啦，呢個完全係一個欺詐。希望職員下次唔好再欺騙人啦，係斑腩就講斑腩，唔好同客人講龍躉啦，令到客人有期待，仲要用貴啲嘅價錢去食，如果等咗咁耐係因為冇龍躉嘅話就直接同客人講，等客人可以改其他餸。

既然夜晚不是員工都食得，今晚有機會一班人食飯，就試下呢間同事話大件夾抵食嘅餐廳。特色菜色要早幾日預訂，但要去現場落訂，係附近住就會方便啲。先黎一個大蝦沙律，見好多人叫，不過都其實只係一盤大蝦加生果，當係飯前果吧。再黎就係黑蒜海底椰燉竹絲雞，好甜，無味精，係屋企煲足料嘅味道。即場叫左沙薑豬手，呢個好味，入味，豬手爽！然後上枱嘅係羊架，同枱有人曾經食過，推介必食，無錯！好冧，只得少少羊羶味，不錯，係有少少涼左，再熱啲上枱更好！跟住一次過上埋燒鵝同牛腩煲加蒜蓉包，成枱都係野！燒鵝新鮮，我無點醬都好好食，有少少肥，有油香，皮脆肉嫩！至於牛腩呢，係普通好味嘅咖喱腩，係無驚喜姐，但蒜蓉包就好好味！大大件，外脆內軟，蒜蓉香，就咁食已經好好味，索埋啲咖喱汁仲好味！我哋仲叫左薑蔥炒蠔，蠔好大隻！又入晒薑蔥味，都幾正！最後係紅燒龍躉旗，超大份！賣相贏晒！不過我個人覺得有啲老，同事就話龍躉係咁，唔會好滑，而且要連皮食先好味，好多骨膠原，哈哈！有人識食就好了！仲叫左個菜，唔多講。八餸一湯，八個人，盛惠每人$370。

是日中午到旺角吃西餐，晚上就联同家人五人到房署會所餐廳用餐，閒日來不用等候即有桌位，餐牌列印上是一般家常小菜，價位在七十元左右，每碟小菜份量充足，五人要四味小菜，咕嚕肉，什菜豆付煲，西蘭花班球及烧味併盤，要2個白飯，才37O元埋單，仲有免費红豆沙糖水送。現場見有其他顧客有特別的菜色，㗎喱牛南煲伴蒜蓉法包，烤羊架等，香氣四溢。原來要提早預定的

沒有最好食，只有更好食。一行10多人慶祝生日，包了一間房。阿辣爸負責拍板，他預訂了這一餐的所有餸菜。本人今次第一次到訪，竟然比到一個好大嘅驚喜。真的好好食！🍲豬肺湯豬肺湯好飲不用多說，看他的湯渣也present得咁好，仲要很好吃，真的很少有。有誠意。涼拌豬手🐽豬手夠淋得來也有咬口，很喜歡這個涼拌的做法。有少量生蒜蓉粒放面，很喜歡那種衝擊味覺的感覺。燒鵝🦆很久沒有吃過燒鵝，這個真的一絕。份量雖然不是很多，四人一台的份量剛剛好。皮下脂肪不多，表皮亦很香口，非常喜歡。🐟紅燒龍躉這個又是另一過分之選，我相信淨係睇張相都可以流口水了。魚鰭部位本身已經很滑，師傅烹調的時間也揣摩得很到位，唔會過熟。可以去丟魚皮，只吃魚肉和加上獻汁，送飯一流。🐑燒羊架來到整晚的highlight，這個燒羊架雖然算是西式煮法，但是在中菜館吃到這樣的出品真的是一大驚喜。🤤肉質10分多汁柔嫩，五成熟肉質非常淋滑。必點。炒菜就唔多講，另外最後上的蝦球炒面和咖喱牛腩配蒜蓉包也是很好吃。這餐廳雖然是飯堂格局，但是真的很有驚喜。真係估佢唔到。唯一可以講吓嘅，就是他的位置。附近沒有地鐵站，到這地方只能夠坐小巴或巴士，當然還可以搭的士

一年一度母親節食飯，食中菜就當然最好不過。一直都聽朋友講房委會職員同樂會嘅中菜做得非常出色，終於有幸品嚐。我地一共叫左八樣餸。1. 大蝦生果沙律 ($215)沙律份量十足，而且好大隻蝦，食完真係好開胃。2. 脆皮蒜香雞 ($85)蒜香雞啖啖肉，雞皮好爽脆，而且雞肉煮得好滑。3. 粉絲什菜煲 （$53）什菜煲入邊好多粉絲，粉絲吸咗入邊啲雜菜湯之後，變得非常入味。4. 魚香茄子 ($53)一到魚香茄子煲就可以試出中餐大廚嘅水準，魚香茄子煲做得非常香口惹味，再加埋一碗熱辣辣嘅白飯，簡直係無敵。5. 馳名燒羊鞍 ($262)我就最鍾意食羊鞍，每逢餐廳有羊鞍叫我一定必點，今餐飯當然唔例外啦。羊鞍肉質燒得非常嫩口，水準唔錯 ，而且羊騷味唔算濃，適合大眾化人士食。6. 椒鹽鮮魷 ($72)炸至酥香的魷魚，令人食指大動。7. 龍躉 ($680)沙巴龍躉要煮得好食真係好考功夫。肉質成寸厚，真係啖啖肉，而且依度嘅廚師煮得細膩嫩滑，芡汁煮得十分出色。8. 涼伴沙薑豬手 ($78)豬手Q彈鮮美，配上粒狀嘅薑蓉和蒜蓉，仲有陣陣香嘅紹興酒味，真係一道惹味驚喜嘅菜式。

星期六 七點入坐唔使等位 一行三人。而家係會員制度，正常要有卡先可以進入。叫咗三個餸一個炒麵，食物質素唔錯。特別係豉油雞，淡淡玫瑰露香，雞肉嫩滑 冇雪藏味。其次係炒麵都高質，好乾爽 唔油膩，仲幾大碟。最後仲有一碗糖水送，綠豆沙滿分 溫度夠熱，煲到起沙。整餐都幾好

何文田可以訂位大班人食飯真係數埋5隻手指都冇，何廣仲要係食肆就排長龍，冇計，又幾間中學又大學，仲有幾棟政府大樓喺附近，一到食晏時間幾乎多人到打交。。。由百幾蚊一餐到廿幾蚊一餐嘅食肆都係要排隊食飯！要要一大圍公司食飯真係得酒樓！今次發掘到間呢間係好嘢，有得訂位，仲可以成十幾人一圍，仲有海鮮食，又好食又飽肚。。。我地叫左羊架，燒味兩食，大蝦，蒸扇貝，沙班兩食，燒鵝，菜，飯，麵。。。碟碟大碟又抵食，呀，仲有個海鮮湯！羊架最出色，酒樓有得食羊架好少見，仲要又香又唔蘇，值得讚！

這家作為房署職員飯堂的餐廳，只有晚市時段才對外開放，晚飯提供酒樓小菜，款式雖沒酒樓多，但比茶餐廳多一些，價錢則跟茶餐廳差不多，只是多了每人$5茶位費，並無加一。環境似酒樓，然而沒有酒樓寬敞，但比茶餐廳與快餐店要好，這家餐廳整體來說是酒樓以下，茶餐廳以上。羅漢上素是一道我很少吃到的菜式，平常在餐廳也不多察覺到它的存在。材料有粟米芯、雲耳、草菇、菜芯和筍，雖然是全素菜式，但吃起來一點都不單調，食材口感各有特色，比如粟米芯是爽硬的、草菇是軟滑的、雲耳是爽嫩的等等，組合成豐富的口感享受，而且全素菜式令人心理上感覺健康高營養，這道菜咱一美中不足是味道太淡了。海鮮豆腐煲勝在材料豐富，魚塊、魷魚、鮑片、蝦與豆腐共冶一爐。海鮮類食材全是雪藏貨，毫無鮮味，但以$65的價錢來說，早是意料之內，也沒有覺得受委屈了。雪藏貨好不好吃，純粹視乎汁料能否救場，但就如上一道菜的情況，味道是過淡了。其實不只這兩道菜，這裡大部份菜式都做得偏淡，就連豉油也是調成淡淡的。我本想向侍應取豉油為餸菜添咸，侍應即事先說明他們的豉油是調成特別淡，看來味道淡不是這裡的問題，而是一貫風格😅 還好他們的淡沒到病人餐的程度，而是在可接受範圍

朋友介紹! 可以book房一圍朋友十幾人可以傾吓計聚吓, 坐地鐵何文田站A2出之後, 先上山再落山要十幾分鐘才到, 07:15去到都未坐定而且還未齊人, 個服務員亞姐就吹我地起菜, 叫佢攞冰叫到第三次先攞到, 話自己好忙, 上菜速度係一個接一個的極速, 08:45已經食完八道菜, 09:00叫佢攞三枝啤酒, 佢問都無問全部開蓋放枱面就走, 轉頭09:30入來話要清枱先,  但係佢好大動作, 直頭係趕你走趕收工, 之後重講明叫你唔睇電視, 快D走, 個服務員亞姐真係好無禮貌同大聲, 甚至有指罵成份的說話趕客! 

一家人去呢度食做冬飯預早訂左羊架，$256/7支另外叫左沙拉骨，沙嗲肥牛煲，芋頭臘味煲，雞+蝦球，腐竹香菇時菜(d名全部唔太記得，大約啦XD)先講羊架，因為訂左，好快就到因為我唔食羊冇試到，但屋企人都話好味跟住其他野好快就上晒枱，仲要差唔多時間上枱雞+蝦球，冇乜特別沙拉骨，雖然叫沙拉骨，但冇諗過佢咁比沙律醬我地，同埋真係骨多肉少，味道ok沙嗲煲同菜都一般，沙嗲煲唔太夠味芋頭臘味煲有驚喜，夠味多料，一上枱就聞到好香另外咁好餸飯，梗係叫左四碗飯($9/碗)總括黎講，好抵食，唔好預環境似酒樓，其實似飯堂多，不過價錢抵，某d食物都好正，冇加一,d野食又上得快6個人最後食左$631如果唔叫羊架會平好多tim最後兩張相係沙嗲煲同菜

尋晚一行九人又到這裏食晚飯。燒鵝1隻，好大隻，肉好淋又入曬味。燒羊架有7件，今次燒得有點過熟，肉嫩多汁帶一點點蘇味。蒸斑，比較細條，但蒸嘅時間控制得宜，肉滑非常。生炒骨，甜酸適中得黎d汁掛滿在肉排上。蒜蓉菜芯，冇食。蝦醬通菜鮮魷，炒得比較多水，食不到蝦醬的味道。蒜香雞1隻，類似炸子雞，炸得過火所以比較乾身。福建炒飯，冇食。開瓶費 $20/支埋單$1162，抵食。星期六比較多人，如果想坐得舒服d，就平日黎啦，另外就系侍應姐姐一貫醒目快手👍👍👍

一行八人去這裏慶生。訂左羊架1份（$248/7支）肉汁豐富嫩滑，帶微微蘇味，好吃。燒鵝半隻 （$160)份量好像比以前細，肉質有點奀，但都抵食。蒜蓉豆苗，大大碟，食極都有，炒得剛好。欖菜四季豆，有獲氣但鹹左少少。椒鹽白飯魚，白飯魚都算大條，炸得香口非常。咕嚕肉，梅頭淋身，啖啖肉，個汁甜酸適中，吾錯。粉絲什菜煲，份量大，正正常常。芽菜海哲小炒，原本想叫小炒皇，但沒有供應，亞姐介紹左這個餸比我們，芽菜加了些海哲一齊炒，因為兩樣野都系冇味，所以系比較失色嘅一味餸。 旦白炒飯，又系好大碟，好有獲氣，炒到d飯粒粒分明。埋單 $950，抵食，另開瓶費 $20/支。提外話，環境比以前光猛、舒適，亞姐服務殷勤有禮，一讚。

晚飯時段六時許來到這裡，已經人頭湧湧，門口被擠得水洩不通，奇！餐牌上的價錢非常貼地，餸菜碟頭夠，果然是茶記價錢，酒樓出品，性價比極高明爐燒鵝(半隻)，一望鵝髻，便知真假，鵝皮燒得焦香鬆脆，鵝肉嫩滑，甘香豐腴，齒頰留香，不愧是招牌之作！椒鹽豆腐拼魷魚🦑，香脆可口，味蕾滿足，佐酒必食，值得推介啫啫通菜煲，惹味十足，送飯一流，不錯食材水準、廚師功力都不容置疑，但要排隊等候等食，值得與否，真是見仁見智了！

是晚奶奶建議到此飯堂吃飯，順道慶祝老爺的生日。我相公以往住在愛民邨這麼久，也從不曾到此用餐。奶奶說此職員飯堂晚市不僅限職員用餐，街坊都可以在此吃晚飯。我們四個由愛民邨前來都用了十多分鐘時間，由於奶奶也很久沒有在此用饍，所以都要問問其他街坊確實的位置。門一開，都見有些食客等位。由於時間尚早，我們很快已可入座。可能正值中秋佳節時段，此飯堂並沒主餐牌供應，不過基本上都可以從這精選菜式挑選心頭好。奶奶對燒鵝情有獨鍾，要了份例牌即4分1隻燒鵝，轉脾要加十蚊的，我們沒有轉，但碰巧給了脾我們，令人喜出望外。蒜香雞皮脆肉嫩，鹽焗雞卻略嫌不夠鹹。西蘭花炒斑球很不錯，斑球厚身，肉滑唔腥。雖然西芹轉西蘭花要多付5元，也值得。為了平衡三份肉，我們另要了雜菜煲。侍應姐姐由幫我們落單，建議我們如何選菜都感到她的熱誠活力，讚。言談間原來要8位或以上才可訂位，我們坐近門口位，眼見當天座無虛席，食客絡繹不絕，建議大家可以早點進食，咁就唔使等太耐了。我們4人另要了4碗飯，本來我們約略估計了是晚用餐費用，但最後結賬卻較想像的便宜。看來是免加一服務費的飯堂。沒收服務費，卻有不錯的服務，加上食物質素不俗，下次我會再來嚐嚐主餐