江華出山幫電器鋪拍廣告 自稱屋企冇電視係咪有得送？
撰文：陳奕熙
出版：更新：
百老匯最近推出新廣告，一如既往例牌有容祖兒坐陣，比較驚喜的是廣告居然請到網絡紅人King Jer「真人」出山，但廣告一出，發現點解King Jer係黑人嚟嘅，咁咪啫係佢個Icon…（真係連戲嘅啫）
今次百老匯新廣告有King Jer。（左，網上圖片）
+5
今次的新廣告就玩「KOL時代」，唔係Key opinion leader，而係King of Likes，本嚟以為祖兒同King Jer已經夠搶㗎啦，點知結尾着住大清皇袍嘅江華突入，一句：「就憑你哋？」，贏晒！
係江華啊！（影片截圖）
數雲全港九新界，扮皇帝扮得最入型入格嘅，當然係九五至尊江華，講起江華你會諗起咩啊？霸氣囉！江華到依家都仲會間唔時喺微博用「朕」自稱，相當風趣，不過江華自2004年《楚漢驕雄》做完項羽之後，就冇再喺香港拍過劇，15年仲轉咗行去做保險，網上討論區每隔幾個月就會有人講一次好掛住佢。
+3
唔講唔知，江華喺微博仲透露今次係佢入行以來第一個香港廣告，今次江華再拍廣告真係好難得啊！好多人都讚百老匯連江華都請到返嚟，真係好叻豬。話說12年江華做雜誌訪問時，講過同太太麥潔文都唔睇電視，屋企連電視機都冇啊，唔知今次拍完廣告，百老匯會唔會畀江華係舖頭到任揀一部拎走呢？
還有林奕匡。（影片截圖）