蝦頭楊詩敏正式離巢 官網即時被下架：自己好多嘢搞緊！
撰文：鄺鈺瑩
出版：更新：
蝦頭為發展歌唱事業，爭奪「最有前途樂壇老新人」而唔續約無綫。(資料圖片）
本身係舞台劇演員嘅蝦頭(楊詩敏)2013年因《My盛Lady》而成為無綫合約藝員，曾參演《超時空男臣》、《BB來了》、《是咁的，法官閣下》、《愛美麗狂想曲》，雖然均屬女配角，但演技早獲觀眾讚賞，與無綫合作8年，上月曾志偉出席公司新春賀年節目時，曾「開咪」搵蝦頭，足見其重視程度。
《愛美麗狂想曲》本在2月播出，但最後關係被抽起，有關將在4月見街，唔知到時蝦頭會唔會宣傳。（劇照）
不過，有網民發現蝦頭在無綫女藝人網頁中，照片和個人資料頁已被下架。而接慣例，只有離巢藝人才會有此「待遇」，求證於蝦頭，她承認現階段屬於自由身：「因為自己好多嘢搞緊，最近做歌女，想喺樂壇發展，哈哈！同埋又有舞台劇要做，所以想停一停。」蝦頭表示與無綫的關係依然友好，唔續約純粹係私人決定，亦感謝公司願意給予空間。問到之後會否因志偉而回巢，蝦頭就話：「志偉哥當然鍚我，所以之後再睇下點，其實都有同佢傾過嘅。」咁睇怕好快會見到蝦頭回歸無綫。
志偉上月與蝦頭在公司密密傾。（吳子生攝）
+3