楊茜堯時隔2年開心復工　自爆：生咗兩年其實都好攰

王浩信、楊茜堯、林夏薇、黃翠如、馬志威、楊卓娜、張頴康、尹揚明等在深圳為無綫劇集《黑色月光》進行開鏡拜神儀式。

楊茜堯繼《家族榮耀》兩年後再拍劇，問到開工可會不捨得小朋友，她說：「安排好晒，所有嘢都啱啱好配合好，老公啱啱拍喺加拿大返嚟香港，啱啱銜接到，都會掛住嘅，但係又覺得好似走甩咗，生咗都兩年其實都好攰，可以趁呢個工作嘅時間調節吓，重新投入工作嘅模式，雖然係做嘢，但係都係一個幾好嘅短休時間。」