師父有請|楊思琦為吳帥未婚生女再分手:我唔會覺得有幾震撼|香港01|即時娛樂

師父有請|楊思琦為吳帥未婚生女再分手:我唔會覺得有幾震撼

撰文:
最後更新日期:

既然係正常戀愛,點解生女後唔需要對方負任何責任呢?楊思琦態度頗為強勢表示:「有時候係無答案,無得問點解。」

楊思琦於2011年與狠撇拍拖九年男友李泳豪,搭上前港隊跳水運動員吳帥,更為對方未婚懷孕,但2012年誕下女兒楊卓穎後,男方遭踢爆並非富豪,楊思琦忍無可忍提出分手。在最新一集《Master's Talk師父有請》中,被問到何為要獨力承擔所有事情時,楊思琦竟然話自己無同過對方喺埋一齊:「係無喺埋一齊,係諗住喺埋一齊。(經濟上有無支援?)無,係我自己嘅。(點解要咁呢?)有時候係無答案,無得問點解。(無得傾?)我唔會去問囉,唔需要問,我自己搞得掂就OK。」

女兒曾向楊思琦表示想要爸爸。

楊思琦表示有手有腳,唔需要靠其他人,但其實當年她為了生女,停工避走美國,形象插水,每當被問起吳帥時,都避而不答。不過,在節目中,她一時話自己無同對方喺埋一齊,一時又話係正常戀愛,到底係剪輯問題,定係另有內情,怕且只有當事人先知。「我同對方因為一啲問題分開咗,冇再繼續一齊,唔係你哋咁諗(即係真係?)係正常戀愛,打算一齊行落去(有咗,後來分開咗。)其實都好簡單,我而家咁諗返轉頭,唔會覺得有幾震撼,可能我已經行過咗嗰段時間。」楊思琦又說:「當時被追訪,啲雜誌標題字眼又好唔開心,當時都擔心前路茫茫,因為生咗小朋友角色有限制,不過演員唔需要個個都青春少艾,我唔驚人哋點睇,最緊要我有飯食。」

楊思琦和羅霖都在婚姻上有所經歷。

節目中,羅霖提到當年其實無諗過同劉坤銘結婚,因為對方並不是她喜歡的類型,加上對方的身份,所以一直都避開對方,後來被對方的誠意打動才拍拖、結婚生仔,但對方最終因超越了自己的底線,導致離婚收場。羅霖提表示獨力湊大三個兒子看上去很有型,但都是為世所迫,「離婚一刻贍養費係零,我負責小朋友生活費,前夫負責小朋友教育費,點知過半年佢同我打官司,想分我一半錢,學費佢都只想畀部分,打官司真係好心力交瘁,我一個女人點算好呢?幸好媽咪話有飯食飯、有粥食粥,叫我返去。」

羅霖表示離婚後,起初只是帶細仔離家,不過大仔及二仔主動帶行李去找她,變相負擔愈來愈大

問到為何有勇氣一個帶三個孩子?羅霖解釋起初只是帶細仔離家,不過大仔及二仔主動帶行李去找她,變相負擔愈來愈大,她說:「離婚後我冇諗過復出,因為年紀好大,只係諗住同朋友夾份做生意,不過離婚新聞之後,有廣告同工作搵我,於是雙線發展。」

點擊下圖睇楊思琦點講

+11
+11
+11


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。