唔講都唔記得,梁靖琪喺2016年已經離開咗TVB,跟阿爸學做製作人...
【曾經沒分寸付上代價 現家庭為重 39歲梁靖琪:過往經歷唔好比好嘅多,因為咁先令我改變】
眼前再度懷孕的梁靖琪(Toby),一副慈母樣,跟以前認識的很不同。
說得直接點,當了媽媽,不再「蒸生瓜」,踏實許多。
「做咗媽媽之後個人定咗,唔係定咗,係好多嘢要諗,好多嘢要為個家去諗。」
曾經玩得沒分寸,我行我素;今日以家庭為重,這位定性媽媽,會對兒子掛心掛到帶在身邊工作;作為妻子,更萬事以另一半感受為先,連老爺、奶奶感受,都會顧及。
改變源於家庭的魔力,也跟年齡、經歷有關。付過高昂代價,才更清楚自己需要甚麼,重視甚麼。
「我都覺得係自己嘅經歷,都入咗行好多年,有好過有唔好過,唔好比好更多,亦因為咁,令我慢慢去改變。」
2月27日,Toby踏入最後的3字頭。以往「蒸生瓜」,也不能再給自己藉口不長熟。如今身邊有位愛她的老公Jonathan,有個可愛的囝囝,兩個月後,家庭又添一名男成員來臨,一家四口,幸福是用心經營,也從錯敗中學懂經營而來。
04年,Toby以女子組合「女生宿舍」入行,可惜歌手生涯只有兩年貨仔。
之後她簽TVB為旗下藝人,當時其父是TVB戲劇分部製作總監梁家樹,媽媽是藝員部經理蕭笑鳴。有高層父母,別人眼中,她必然星途暢順,至少坐梗女一。
但實情是,後台勁對Toby沒帶來半點好處,反而令她更吃力,無論如何努力,一句靠父母,全部抹煞。她曾經想,如果父母不在其位,她的路會否易走一點,「我有咁諗過嘅,不過亦都唔會有改變,因為佢哋畀咗我更多學識及經驗。」Toby說。
入行18年,未曾擔正做過女主角,Toby從冇遺憾:「我唔係要做女主角,我覺得我做二三線好開心,可以發揮到想發揮嘅嘢。係咪有得做你唔做?梗係唔係啦!但我又唔係覺得好差喎。尤其呢四五年,人哋真係睇到有進步嘅我,有改變演戲嘅我,真係唔使俾人鬧嘅我,我已經好滿足。」
自小讀國際學校的Toby,是個半唐番,不拘小節,work hard,play更hard。投入起嚟,男女間玩到毫不忌諱,「事事無所謂」的性格更令她不自覺闖禍。再婚後,Toby變得定性,不只因為現任老公的原因,Toby說…
後記:老公Jon做Stylist
Toby稱,她近期做訪問的衣著打扮,正是出於老公Jon的配襯。Jon還叫Toby,應該給他credit。
以前Toby做訪問,掩不住,亦不吝嗇的澎湃身材,總給大家一些吸睛位。
睇睇她今日做訪問,上封下封,Jon表面就話做Toby的stylist,實情係點?私有化後,有些事情無需大方。Jon,你係得嘅!
採訪及撰文:肥A
攝錄及剪接:KY
場地提供:Mini hotel Causeway Bay
化妝 : Stephen Lau @StephenMakeup
髮型 :Michael lam @ Beijing hair culture
-------------------------------------
即刻跟住Follow 晒我哋Channel:
請支持《娛壹》YouTube
按subscribe
同畀like
------------------------------------------
專訪重溫
曾江專訪|播近40年染髮廣告原來再無錢收 87歲九龍城東邪:鍾意講真說話 |壹人訪 X 林蕾
請CLS《娛壹》YouTube睇訪問片︰https:://youtu.be/KHC2gCUsQxM
余子明專訪︱仆心仆命換來一年只包薪$6800 余子明︰對無綫心淡得好緊要
【黃文慧專訪丨「梅超風」磨劍半生未獲獎 人到晚年只追尋:我想好死!唔好受痛受苦!】
【渣哥渣嫂專訪|憶患病心痛家人受苦 狠戒幾十年煙 譚小環:老公係我最強後盾!】
林家謙專訪丨親解《難道喜歡處女座》 MV冇戴眼鏡撞樣姜濤 剖白靈魂:敏感的我假裝冷靜