"咦! 點解你會出現既?" 阿step好奇問我。我都好好奇，今日到你放假呀嘛! (我地輪流放，直到個個懶懶閒女士得閒簽佢個大名，我地就有機用!!) 因為今日step要返灣仔食management meeting lunch，咪返左黎囉! 咁聽日呢，邊個放呀?......(係一個謎!) 點知……我連唯一一部私用電腦都壞左，整整一個上晝游游閒睇書囉! I.T. 阿Jeff咪向ATL過黎幫我整囉，其實我好驚佢，佢講野細聲得黎好陰森!!!
差不多四五點左右，我個位貼近一塊屏風隔離係水機，突然聽到有個男人話"點解你將柯華田放入好立克個格既? 咁咪入錯囉!"，然後有個女人傻笑"係咩?!? 乜呢d係柯華田黎架?" 初頭我都冇點理佢地，之後我伸埋個頭出佢裝，因為好好笑! 咩事呢?!?!......
主角: 茶水阿姐一名，年約30-40，貌似大陸同志，應該新黎。 另一男主角咪係K.Lee囉…
K.Lee: (承上) 都話係囉…! 入錯左呀! 呢格係柯華田，呢格係好立克，個咖啡機都寫住。
阿姐: (傻笑，個樣重好猶疑) 係咩?....
K.Lee: 啦…呢樽係柯華田，呢樽係好立克……(講左好多次)
阿姐: (迷茫) 下…….
基本上，成個廳既人都聽到，重忍唔住笑……
K.Lee: 啡色係華田，白色係好立克
講完佢就走左，因為佢黎飲水之嘛! 而阿姐就傻笑道"哎呀!" 抓哂頭囉! 好彩我幫親士多多過沖熱飲! 開講又講，咁咖啡機要常入水先有滾水，雖然都有水機冇咁熱咁解! 有次係洗手間門口撞到佢，佢推住架茶水車自言自語"哦! 呢度係廁所!" 初時我以為佢想拎個食水桶入去裝水入咖啡機度，唔係fa! 我估唔係啦! 冇咁留意，應該唔係，如果係我生蟲啦~ pantry同廁所只係一個走廊短短路程，佢唔會咁癲嘛!?!?!?! (pantry係閒人勿進架! 成日鎖住都唔知有咩寶物向入面!)
就係因為佢地講開柯華田，我就唸起以前返學同班同學係學校走去食早餐個陣，見到遠處寫住"阿華四 6蚊"，我就問我同學阿橙咩叫"阿華四"，佢亦問返我係邊度見到!?! 我指住前面然後佢就笑到死左，"柯華田呀! 帶返副眼鏡啦!" 哈…其實阿橙都係咁岩帶返眼鏡先睇到之嘛! 個陣我地兩個都係有輕微近視，一落堂先除眼鏡! 所以就係咁比佢笑左好耐……
明天返工繼續發夢……
Photo: 琴日放假無聊將電腦檯上面既相架，由一個平平無奇既打扮到靚一靚，重玩到成手都係AA低能膠!
☆今日係7月7日，我唔係想講蘆溝橋事變，我問琴琴記唔記得00年7月7日我地做緊乜!? 呢一日我地係東京自由行既第一日! 佢話如果我地重係日本就幾好!? 真係發緊夢囉~ 個陣就要宣佈破產!☆
☆全公司加人工３％!!!!☆
☆前日晚飯時傾計，我話“我好想去埃及然後去希臘……”“咁遠既”蘇氏伉儷講話，佢地話下個目標仍然係日本同泰國……“咁近既” 我話。 講真，都唔知幾時可以實現……都冇朋友想佢ｄ咁“咁”既地方，重要佢地唔多假期，重要話會唔會乾煎!?!??!?!? 唉…… ☆
☆歪咀強辭職喎! 今日學左個成語“厚顏無此”!!哈…第三個戰靶!☆
☆打完編野又upload唔到!!! 激死~☆
文章定位：
