潤宴

營業中

休息中

今日難得過對面海，所以搵左一間對面海酒樓吃晚飯。我地一行九人叫左8個餸，每樣餸的味道中有標準以上。我們都很滿意這次晚餐的味道。可能由於餐廳唔多人，所以待應同埋部長嘅服務都非常慇懃，服務到家。

見新開就同朋友黎試下環境舒適，食物冇令人失望，味道屬於中上， 服務可以。冰鎮咕嚕肉👉🏻 外脆內暖， 咬落口感似豬頸肉 ，加入乾冰效果令人眼前一亮食神炒飯 👉🏻 真心好味好好味，表面舖上蟹子突出整條魚嘅形狀， 炒飯內裡有一粒粒嘅黑色米好煙韌。燒鵝 👉🏻 好香，個皮好脆。香芹炒花膠筒👉🏻 好食。菊花蝦丸 👉🏻好食而且造型好靚， 睇得出廚師的心思。

不理客人要求、因為冷氣太大、吹住個頭、要求換張枱坐、自己又有老人家、已經吹到頭暈、外套沒有除、通知了三四個職員、他們只是點點頭、回覆冷氣係咁凍、完全冇認真處理。

同屋企人嚟呢度食晚餐，咁啱見到新開嘅呢間餐廳就想試下。入去唔係好知點叫，就叫四人餐五個人share。炸子雞味道不錯，但有啲鹹同埋唔脆，雞肉還好但有少少乾。蝦球伊麵底就太過creamy，蝦球不錯，新鮮嘅。帶子芹菜就都係比較鹹，帶子比較overcooked所以好乾好痴牙。魚翅見到已經覺得好傑，質感甚至似啫哩一樣，睇嗰陣都覺得入面冇乜翅🥹🫨 條魚係比較好食嘅，肉嫩。最後甜品嘅奶皇糕有啲太甜但嚟嗰陣係熱同新鮮嘅，都不錯。雖然食物普普通通，冇特別好甚至偏向唔好食，個餐又比較貴($1500hkd) 但服務的確有誠意。走嗰陣我地發覺跟餐送可樂，本身侍應唔記得左，但我地提佢之後佢睇番就即刻俾番我地，冇推卻或者唔願意俾，係有誠意，有心嘅。但應該唔會再訪，始終食物偏貴又同質素唔成正比，雖則環境係唔錯嘅，唔會好吵🥵 希望未來開業耐啲之後會有改善。

新開的中菜館，第一次光顧，離地鐵站有點遠，但對附近的人來說很方便。地方裝修尚可，乾淨整潔，十分寬闊舒適，空間足夠，唔會太多人太嘈吵，服務亦有禮得體。至於食物方面，點心正常，擺盤很靚，也算精緻，食材新鮮，份量適中，十分足料，但價格不便宜，款式較少選擇，今次叫了幾款點心，有兩款點心真係麻麻，第一款是招牌黑金流沙包（大），個皮好厚；第二款竹笙釀蝦膠（特），呢個真係唔掂，整體上都算可以。

農曆新年已過，市面上開了一些新的餐廳，取代之前結業執笠的。行過電器道理文商業中心，油站後面，見到開了一家新的酒家，前身是百匯軒酒樓，這個鋪位空置了很長一段時間，今日終於有一間新的酒家。餐廳試行運作的時候，曾經問過門口的職員可有菜單看看，回覆是一問三不知，愛搭不理，印象有少少怪。🤔終於到正式開張，忍唔住又去試下，酒家裝修都幾靚，用好多玻璃裝飾，感覺光猛寬闊，內籠面積確實不小。打電話來訂位時，職員回答不用訂位，態度也是敷衍的。6點30分到達酒樓，顧客不多，店員不少，但服務感覺是怪怪的，想看菜單遲遲不見送到，要催幾次，可能是新開張，職員還未熟習，不見怪。😅點了兩個最普通的菜式，豉油雞和蒜蓉炒豆苗。豉油雞🐔半隻＄148豉油雞賣相不錯，份量都正常，但食落就很失望，因為味道很鹹鹹，鹹到要用水沖過才吃，雖然我們很注重飲食健康，平時吃得較淡，但今次真是鹹得過分。如果10分滿分只可有2分。2/10蒜蓉炒豆苗＄128這道菜就好很多，豆苗嫩，炒得青綠，不多油，味道剛剛好，但份量就較少，好吃最重要👍。8/10白飯🍚一碗＄16茶每位＄18整體感覺稍差，希望下次落少D鹽，調味料都是成本。😂😂