兄姊齊撐獨欠…丨袁彌明提建制派大嫂容海恩:當睇唔到咁相處 | 蘋果日報

兄姊齊撐獨欠…丨袁彌明提建制派大嫂容海恩:當睇唔到咁相處

更新時間 (HKT): 2020.10.17 16:33

袁彌明(Erica)於疫市下於尖沙嘴再開新舖,她的老公林雨陽、奶奶、家姐袁彌望、哥哥袁彌昌等家人也出席支持。疫市開舖,Erica指生意額也算OK,網店生意近半年更有雙倍增長,她說:「其實呢間係第10間實體店,由加連威老道搬過嚟嘅,商場都好好,減租呎價3至4成,可以進駐商場。其實過去半年都OK,同埋我諗黃色經濟圈都好有幫助,啲人睇咗我爹哋咸豐年嘅廣告片,都嚟支持吓袁爸爸。喺呢個環境一定要互相幫助,同埋要選擇性消費,幫助返啲理念相同嘅人。」問到會否受到不同政見的人抨擊?Erica說:「做人都有人支持同反對㗎啦,我唔擔心,如果有啲客因為顏色嘅分別唔用我哋產品,係你個人嘅損失,唔好同自己作對囉。」

家人到場支持,令Erica十分開心,不過眾所周知Erica阿嫂是建制派立法會議員容海恩,她們的政見南轅北轍,Erica說:「其實我哋屋企嘅路線都有啲唔同,但我覺得良知係底線,唔好有啲違反良知嘅言論出嚟就OK,我覺得屋企人唔係剩係睇顏色,都睇返佢嘅身份同感情、相處,我哋屋企係比較自由多元,個人主義都比較重,自己可以有選擇,亦識得尊重別人嘅選擇,說服人去轉顏色係冇乜意思,當睇唔到咁相處。」

提到造人大計,Erica笑言從來沒有這個計劃,畢竟生小孩責任太大,她透露最近養了一隻哥基犬:「我覺得而家生仔係要好大勇氣嘅,因為而家連教育界都淪陷,佢哋究竟用咩教科書?學啲咩?唱乜嘢歌?如果我有小朋友我會好擔心,要好小心選擇學校。如果我有小朋友,佢入學係5年後,5年後嘅香港真係好難講得定,除非移民,而家BNO都可以過英國,否則喺香港接受洗腦教育,真係文明倒退,要有好大勇氣同埋要身教,唔好教小朋友聽假話講大話。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner