政情：林鄭兩子唔黐「媽」 留愛爾蘭法國研究學術

林鄭月娥長子林節思畢業於劍橋大學數學系，曾於內地手機公司小米任職營運經理，2019年傳出佢辭職嘅消息，跟住就負笈愛爾蘭都柏林大學，修讀希臘哲學碩士課程，而最近就喺愛爾蘭都柏林聖三一學院古典學系，攻讀博士學位，並於去年獲愛爾蘭政府頒發予研究生獎學金，申報嘅研究範圍與古希臘文學相關，每年可獲至少13萬港元。

至於二子林約希，去年曾公布自秋天起出任美國史丹福大學，及法國高等科學研究所（IHES）嘅博士後研究員。根據IHES網頁，林約希為數學系嘅博士後研究員，任期為今年1月1日至8月31日。而至今年4月，IHES曾於網上發表一條短片，片中林約希於IHES一個課室中講解數學理論，相信佢現時仍身在法國。