台灣女子天團S.H.E嘅任家萱最近同台灣國民弟弟張軒睿齊齊參加內地一個模擬戀愛嘅真人秀成為熱話。37歲嘅Selina疑似戀上呢位細11年嘅拍檔，被對方溫暖嘅貼心舉動融化。節目尾聲Selina更因為獲得張軒睿表白而留下幸福嘅淚水，喺微博特意Po文感謝對方。 唔通Selina真係走出離婚陰霾，一心投入呢段姊弟戀？相信大家都好有興趣進一步了解張軒睿以及呢單娛樂喜訊。
登入 瀏覽本網站，可獲取積分換領專屬優惠
點擊查看專屬優惠
雖然早前Selina被占星師唐綺陽算出真命天子會喺2022年先出現，但佢好似已經迫不及待要開始新戀情。呢對相差11年嘅姊弟戀係咪真係已經開始緊？宜家都仲未有一個確切嘅答案。不過佢哋之間嘅有愛舉動令網民普遍睇好，更希望呢個弟弟可以幫Selina走出寂寞同孤獨。
台灣女子天團S.H.E嘅Selina任家萱順風順水嘅前半生喺2010年被一場大火打亂。當時已經同準備好同有米律師男朋友結婚嘅Selina，喺一年後依舊同老公拉埋天窗，但呢段感情已經有名無實。5年後兩人終於離婚。種種打擊之下Selina依然冇被摧毀，反而越活越堅強。今年3月養咗好多年嘅寶貝狗狗又離世，令Selina更加孤單。佢話覺得自己的確好寂寞，不過宜家已經慢慢習慣呢種感覺。Fans們感到心痛之餘，亦希望佢可以快啲揾到真正嘅歸宿。
模擬戀愛動真心
早前Selina同妹妹，爸爸一齊上內地一個模擬戀愛嘅綜藝節目，節目組安排佢同台灣國民弟弟張軒睿談戀愛，對住呢個相差11年男朋友，Selina竟然開始心動。網民評論兩人喺節目中嘅互動非常有真情實感。張軒睿因為錄節目期間嫲嫲病逝，而希望退出節目，專心處理嫲嫲後事，有一集就係講佢約Selina出嚟同Selina解釋，話自己唔想將負面情緒傳染俾Selina，所以選擇終止拍攝。Selina雖然表現得好冇所謂，但仍然心痛到崩潰大喊。最後一集節目又有安排張軒睿雨中對Selina表白，之後佢就喺微博po文發表感謝。
Selina喺文中寫低自己同張軒睿好多嘅相處細節，言語間充滿愛意，非常溫馨。好多fans乍一看仲以為佢發文宣佈同張軒睿已經成為真正嘅情侶。但Hebe留言直指話自己都入戲太深，似乎兩人只係為咗節目效果宣傳，並非真正喺埋一齊。無論佢哋有冇拍拖，一直堅強，獨自對抗寂寞嘅女神肯定已經對呢個弟弟動心。
但Hebe留言直指話自己都入戲太深，似乎兩人只係為咗節目效果宣傳，並非真正喺埋一齊。無論佢哋有冇拍拖，一直堅強，獨自對抗寂寞嘅女神肯定已經對呢個弟弟動心。
姊弟戀到底是真是假？Hebe嘅留言似乎暗示好姊妹Selina嘅S戀情並非真實，只是一場戲。
張軒睿起底！姐姐控無誤
其實能夠打動Selina芳心，張軒睿都絕不簡單。佢雖然只有26歲，但已經擔正演過《狼王子》同《我的女孩》兩套人氣台灣偶像劇。後者更令佢獲得金鐘獎視帝嘅提名。
有顏值、有人氣，仲要有演技，前途無可限量。而最重要嘅係，張軒睿係個姐姐控，對前輩級的圈中人特別有興趣，Selina正正係佢嘅菜。
張軒睿因為扮演狼王子而令佢穫得台灣弟弟嘅稱號。
張軒睿喺劇集《我的女孩》中同林心如演一對，又係姊弟戀。
張軒睿兩套主演電視劇都係姊弟戀，而佢現實中同年長2歲嘅大馬女神林明禎都有過一段情，雖然兩人好快就玩完。但可見張軒睿揾女友嘅品味都比較偏向姐姐類型。而溫柔嘅大姐姐Selina絕對有可能令佢心動。
Selina同張軒睿兩個都好鐘意狗狗，喜好相同、話題又多可能就係佢地感情越變越好嘅原因。
假否認真撻着？
Selian喺微博Po咗呢段似是而非嘅文字之後，好多人都估估下呢條微博究竟係為節目宣傳，定係暗示兩人真係撻着？事關Selina一向鐘意向公眾否認戀情以保護愛苗。當時佢同前夫都係用呢一招嚟避開媒體嘅閃光燈。
早前Selina喺自己同占星師唐綺陽一齊主持嘅節目上講到張軒睿，唐綺陽就算出Selina嘅正緣要喺2022年先會嚟到，Selina即時問可唔可以提早，睇嚟佢內心已經將呢個弟弟視為自己嘅真命天子。
Selina喺節目上問占星師真命天子會唔會提早到，獲唐老師指點。