《那些我愛過的人》6月首播!亞視CEO林文龍幫TVB宣傳、黃翠如挑戰做單親媽媽 | 影視娛樂 | 新假期
《那些我愛過的人》6月首播!亞視CEO林文龍幫TVB宣傳、黃翠如挑戰做單親媽媽
《那些我愛過的人》6月首播!亞視CEO林文龍幫TVB宣傳、黃翠如挑戰做單親媽媽

《那些我愛過的人》6月首播!亞視CEO林文龍幫TVB宣傳、黃翠如挑戰做單親媽媽

受疫情影響,人人留家抗疫,而最好嘅娛樂就梗係煲劇啦!見近期幾套無綫劇集話題性十足都幾吸引,就睇睇嚟緊6月精選有乜好介紹先!

原文刊於《東方新地》

亞視副總裁林文龍亮相 為無綫宣傳新劇

先有由黃翠如、林文龍及連詩雅等主演嘅年度重頭劇《 那些我愛過的人 》,將於6月8日起在翡翠台播映。翠如首次同林文龍合作,仲要飾演單親媽媽,感覺新鮮!而劇集靈魂人物林文龍現已貴為亞視副總裁,今次亮相無綫更以佢息影前最後演出作品 為 賣 點, 林文龍冇抗拒之餘仲話會配合宣傳:「 問題係 TVB 需唔需要搵我!冇嘢好尷尬,我都要履行合約,配合宣傳,完全冇牴觸。」話晒林文龍為今次飾演嘅拳手角色花咗唔少心機時間日操夜操,相信呢位副總裁都唔想浪費自己嘅心血嘅!

林文龍拍住黃翠如,配搭新鮮,之不過林文龍如今已貴為亞視副總裁,亮相無綫仲要孭飛重頭劇,身份尷尬。
林文龍拍住黃翠如,配搭新鮮,之不過林文龍如今已貴為亞視副總裁,亮相無綫仲要孭飛重頭劇,身份尷尬。
故事由七年前一宗車禍引起,令黃翠如變成單親母親,與繼子和遺腹女兒相依為命;林文龍則痛失妻子,獨力照顧女兒。一場意外破壞了兩個家庭,留下了無數難以追溯的疑問。

馬貫東、連詩雅、王卓淇、林穎彤⋯⋯新面孔參演

劇集另一亮點係喺《 愛.回家之開心速遞 》中飾演「 博士 」嘅馬貫東今次升呢第二男主角,挑戰自閉症角色,佢將會同連詩雅有感情發展,當中仲有唔少咀嘴鏡頭㖭!除咗連詩雅,本劇仲有多位新面孔參演,當中包括 As One 前成員蘇皓兒和陳苑澄、來自電影圈嘅李任燊、90後新演員顧定軒等
等。再加上王卓淇、林穎彤、吳業坤等多位年輕演員,個個青春活力十足!

翠如同連詩雅飾演兩姊妹,不過關係疏離,而陳自瑤飾演佢哋嘅好友。
連詩雅同馬貫東喺劇中都係醫生,二人更會擦出火花發展成情侶關係。

周柏豪、袁偉豪《兩個小生去Camping 》型男鬥「肌」

除一線劇外,另有周柏豪拍住袁偉豪嘅《兩個小生去Camping 》,兩大男神走入偏僻叢林大玩野外露營,挑戰「港版人在野」!節目中二人體驗堆營火、用柴火燒烤、煮咖啡、去山澗捉魚、喺瀑布下沖涼⋯⋯上山下海式嘅野人生活,淨係睇佢哋爆肌都值回票價啦!

雙豪拍住上山下海,向觀眾推介香港郊外紮營好地方。節目中,二人亦會邀請嘉賓嚟傾吓偈,當中包括好友洪永城及陳山聰。節目於翡翠台6月1日晚上10:30播出,一共10集。
好天曬落雨淋,柏豪笑指自己變咗黑炭頭,而袁偉豪亦指拍攝過程相當辛苦,日日曝曬十幾個鐘。

至於想輕鬆開心嘅,可選擇 Do 姐鄭裕玲同佢嗰「 兩隻嘢 」農夫主持嘅《 Do 姐有問題 》,Do 姐繼續妙語連珠同陸永、C君齊齊搞笑,睇佢哋不斷添食拍到依家第四輯,就知有唔少捧場客啦!

Do姐同農夫再度合作,相信觀眾對呢個組合都充滿信心,肯定笑到碌地。
一如以往,節目會邀請唔同嘉賓分組比賽,以問答遊戲形式決定最終大贏家。節目由6月15日起晚上10:30翡翠台播出,一共30集。

必睇台灣神劇《想見你》都有得睇

另不得不提有兩部外購劇都非常吸引,一部係被封為2020年度台灣神劇《想見你》,由柯佳嬿配上許光漢、施柏宇兩位新生代演員,故事融合愛情、魔幻、靈魂穿越、推理等題材,當中更有唔少金句觸動萬千少男少女嘅心!至於另一部就係當年令人追到氣咳嘅《 延禧攻略 》,係呀,終於有得重溫
啦,足足70集有排你煲!

台灣神劇 《想見你》 將於5月28日起,逢星期一、二、四、五晚上9時30分於J2播放。

想重溫《延禧攻略》嘅朋友,由依家開始可以喺J2台有得睇啦,足足70集橫跨成個暑
宮廷鬥爭劇情引人入勝,演員個個出色值得一睇再睇!

最新吃喝玩樂資訊

Footer