【林家謙演唱會第2場】陳奕迅驚喜現身:林家謙係好值得大家錫嘅一個人 #林家謙(Terence)一連六場嘅紅館演唱會噚晚第二場,嘉賓有 #林欣彤 唱出《林中鳥》,#Serrini 第二晚登場演唱《樹木真美》,但數到最驚喜一定係好耐冇喺香港露面嘅歌神 #陳奕迅(Eason),佢一出現即刻炒熱全場氣氛!Eason大讚家謙:「#你真係幾靚仔喎!係咪呀?」全場大叫:「係!」 Eason又話:「#林家謙係一個好值得大家錫嘅一個人,唔係淨係音樂,從佢嘅音樂已經傳播到一種…依家好興治癒吖嘛,我就係聽你第一隻《下一位前度》,聽嘅時候塞車,唔知點解塞車聽特別正。一聽到琴…凳凳登登…即刻唔躁喎,唔知點解。佢係一個怕醜草嚟嘅,雖然我知…心底裏都係有啲賤賤地㗎喇!」全場大笑。之後Eason同林家謙合唱《#致明日的舞》同《#今日》,令觀眾High爆! 宣布加開 8.27 一場 之後林家謙發放新海報,上面有句歌詞: 「就算此時離了座,定有一個未來,能伴著過!」公布 #加開一場 8月27日 (Sat),消息令人振奮!演唱會總監馮貽柏表示,今次「安歌」加場, 大家星期一將會見到一個「充滿希望座位表」,九成門票全部公開發售!祝福真正歌迷都可以撲到飛。! 足本內容: https://metrodaily.hk/posts/29406 〰️〰️〰️〰️〰️〰️〰️〰️〰️〰️〰️〰️〰️〰️ Follow埋我哋📲🖥💻 #MetroDailyHK #都市日報 👉🏼FB@MetroHK 👉🏼IG@metrodailyhk 💥#有咩報料可電郵比我哋 👉🏼info@metrocom.hk 💻 網頁 https://metrodaily.hk/