李八方online︱為公義 林卓廷無悔賣樓搬屋 表明企到最後一刻 | 蘋果日報

李八方online︱為公義 林卓廷無悔賣樓搬屋 表明企到最後一刻

更新時間 (HKT): 2021.02.18 17:06
林卓廷早前透露,賣樓係因為子女到外國升學,要應付沉重開支。資料圖片

民主黨前立法會議員林卓廷早前賣樓,套現1,268萬。今日佢喺社交網站宣佈終於要搬屋,不無感嘆;仲上載咗搬屋公司工人搬傢俬放進大貨車話:「終於要搬了。這裏住了十年,其間經歷辭任廉署,重返民主黨,孩子上小學中學,佔中運動,當選區議員、立法會議員,反送中運動,7.21遇襲,總辭,最深刻是三度清晨家中被捕,誣衊我暴動、顛覆、披露廉署調查。」

雖然歷過幾番風雨,終要同呢間屋別離,但阿廷並不後悔:「朋友們,不用替我擔心,路我是自己選擇的,我會繼續昂首前行,無愧、無怨、無悔!」

林卓廷早前透露,賣樓係因為子女到外國升學,要應付沉重開支,加上佢連同早前因初選被控涉顛覆國家政權罪後,至今已有6宗案件在身,並身負8項控罪,同時要應付前年入稟控告何君堯誹謗的官司,「要應付相當漫長嘅嚴冬,所以冇辦法喇,唯一嘅居所都要賣咗佢。」

對於有建制派質疑他賣樓係想「走佬」,阿廷力斥有關說法全屬毫無根據嘅誣衊,表明自己並無打算離港,而佢所有護照亦早已被法庭扣起,「我連旅行都談唔上,何況要走?」他表明會在香港「企到最後一刻」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner