玖子茶 (如心廣場二期)

營業中

休息中

玖子茶如心廣場分店, 紅噹噹的店面，掛滿色彩繽紛大燈籠，吸引眼球，踏進餐廳，像夜市大排檔美食，每個角落都充滿馬拉風情，玩味十足，雖然在如心廣場開張不久, 食物美味, 價錢親民, 已經吸引了不少粉絲支持。酥炸花枝丸 $39脹卜卜的花之丸，炸至金黃香脆，內裡填滿彈牙花枝肉，入口油香四溢， 惹味過癮。招牌星馬雞-配油飯＆雞湯 $63去骨招牌星馬雞， 啖啖肉的口感，令人喜歡 ，雞皮油光亮麗，令人食指大動，雞皮滑不溜口，雞肉油潤軟，再沾上香甜的黑醬油，跟配清甜雞湯和黃油飯，簡單美味的配搭， 讓人飽肚 和滿足。馬來牛肋肉叻沙湯米粉 $59馬來牛肋肉叻沙湯米粉， 人氣必點食品，充滿馬來風味， 份量十足 ，配料有牛肋肉、芽菜 、 豆腐及芫茜， 金黃的湯底濃郁好惹味，香氣十足 ，充滿誘人椰香，鮮甜又不肥膩， 幼身的米粉，吸索湯底精華 ， 份外滋味， 超喜歡它的牛肋肉， 十分軟嫩入味。玖子茶芋圓 $39顏色粉嫩的芋圓 ，煙韌的口感，夾合鮮甜多汁的芒果肉，甜蜜美味，配上綿糯紅豆蓉、滑溜的仙草，口感豐富，過足口癮， 啱曬貪心的我。芒果乳酸梳打（凍）$15特飲充滿夏日色彩， 賣相吸引，呷一口，啖啖濃郁芒果甜香

Definitely a feast at this Singaporean/ Malaysian restaurant. Brought along Ms Golden-tongued to enjoy the Set Menu for Two. The portion was huge and if you are ladies with smaller appetite, this set is definitely enough to feed four of you. We were seated at the window side, and the views were superb- greeneries with the garden and sunshine outside. This set included five dishes, add-on charges for drinks. We tried the basic drinks ($5 for each): iced Malay milk tea and iced lemon tea, less swe

人均只需$100頭就可吃到五道特色星馬菜😆，而且是在如心廣場，性價比確實贏過周邊食肆👍🏻。地理位置便利，荃灣西站C3出口，穿入商場上一層就可見到餐廳；裝潢別具特色🏮，古色古香，適合有懷舊情懷的朋友打卡；QR code落單，方便快捷~晚市二人餐 - $228✦ 砂煲肉骨茶 配白飯牛肋肉煮到好入味，份量充足，藥材濃度剛剛好，不會苦澀，茶湯入口香濃，飲下後口中甘甜回湧。裡面的好多豆卜、支竹、蝦味菇和金菇，滿載肉骨茶香，非常下飯🥹~✦ 鹹香星馬雞肉多皮嫩，肉質大致都鮮滑，微微鹹香，不會太濃，雞皮上的鹽粉再多些會更惹味~配有小番茄和青瓜片。✦ 海鮮蝦叻沙(油麵/米粉/粿條)一定要趁熱吃，粿條會吸湯吸得很快，叻沙湯辣度適中，裡面配有魷魚鬚，鮮蝦和魚腐，還有半隻熟蛋。✦ 沙嗲串燒 (雞肉/牛肉) 兩串選擇了牛肉，不會燒得太乾，裡面仍有肉汁，香口惹味😉。點上沙嗲醬，花生香味更特出！✦ 藥膳浸菜喜歡藥膳香味的朋友不能錯過，小白菜吸收湯汁，但仍爽嫩，健康又美味！可以較低價錢加配特飲，兩杯都偏甜，不好糖份的朋友記得選擇無糖。芒果乳酸梳打（凍）+$15玖子茶蜂蜜奶綠（凍）+$15

如果你想食個安落飯 就千其唔好嚟呢間 因為你係會俾人趕走今日星期日兩個人去食lunch 淨係分配坐枱都已經發生三次不愉快事件第一次係一入到去佢就想我哋同人搭枱但我哋見全場仲有好多枱剩 所以照坐返張空枱 諗住晏啲如果有人要搭就再讓俾人第二次係另一pair人入嚟 侍應想安排佢哋搭我哋枱咁我哋ok嘅 自己執開啲嘢 但個pair都係見有好多空枱所以冇過嚟搭枱經歷完呢兩次都心諗點解個場有空枱都要迫人搭枱?到第三次 有一家四口要搭枱 佢要合拼我哋隔離嘅枱俾佢哋坐 本意其實冇問題 同我哋講聲我哋會執 但佢問都冇問就自己移走晒我哋啲嘢 通知聲都冇其實係好唔尊重 個感覺係想趕人走 最後我哋飲品都未飲完就走咗 唔想出現第四次所以如果你想安安落落食個飯 真係唔好考慮呢一間

啱啱去咗間餐廳，一試星馬美味，好得翻嚟嘅！先講佢個胡椒豬頸肉蟹籽炒飯，份量勁足，胡椒香味扑鼻，豬頸肉又嫩口，蟹籽咬落去彈牙又補😚，一路炒到飯粒爽脆，嗲味得滯！砂煲藥膳牛肋肉湯，滋味深郁，牛肋肉超級鬆化，落嚟一啖肉香，湯頭暖笠笠真治癒。馬來香菇素春卷，呢個真係意外之喜，外皮脆卜卜，入口後啲香菇味湧出嚟，搭得好㗎。整體黎講，呢間餐廳真係讓人驚喜，各款菜色都有佢獨特之處，氣氛又得，食物水準又高，真係一試難忘👍。下次仲要拉埋班friend仔一齊黎掃街啦！#星馬風味 #美味探索

走埋荃灣呢間餐廳，嘗吓佢哋啲星馬美味，真係諗起都流晒口水🤤！先講下招牌去骨星馬雞飯，真係好食到爆燈💡！雞皮香滑，雞肉爽嫩，加埋三款醬料話咁滋味，我食晒啲飯咗喎！油飯黃薑味出，飯粒彈牙，淋到冇朋友！湯仲清甜，有雞香味，超正！再嚟幾碟小食，我哋就一於試晒。鮮油咖央多士，焗到金黃香脆，啖啖咖央緊附喺多士上面，一啖入口，即刻入心！沙嗲串燒拼盤，雞同牛串烤得香噴噴，鮮嫩多汁，每啖都有得嚼，沙嗲醬更加係雙倍惹味。講真，一嘢食落令人唔自覺想多叫幾件！唔記得拎部相機溝食會嗌我停唔到。間舖份量足，香口爽滑，口感豐富，而家食完仲饞得滯，打算下次再去整個海鮮叻沙麵試吓，啲蝦蔬菜啲椰香醬汁，真係好誘惑人呀。總結，呢度係可以食到地道星馬口味嘅好地方，仲有得拍少少靚相，真係好過癮！荃灣朋友，記住mark低，下次深宵食飯唔駛愁喇！🍽️🥥🍚

同個朋友食完嘢，傾一陣計，仲有好多新客進來，仲有好多吉位，突然行過來，個語氣好無禮貌用普通話同你講：你地用餐時間到了，可以埋單了，進來又無講用餐時間幾多，最重要係：無禮貌既語氣，個眼神好明顯想你快D走甘，令人覺得吾舒服吾會再去．．

招牌去骨星馬雞配油飯配雞湯（$49）雞有𡁻口，OK滑；薑油、濃醬油、辣醬，三款醬都合格；油飯頗硬，冇咩油香味，唔合格；雞湯夠味唔油膩。脆炸豬扒 + 咖映多士（$45）湯底揀咗叻沙，椰香味足，但唔夠濃厚，少少辣味（另外感覺有啲泰式feel，唔知係咪因為加咗檸檬汁）；麵底要咗油麵，麵質正常；豬扒算厚，炸粉薄、脆，肉質正常。咖映多士嘅咖映唔太甜，多士香脆。參巴醬蘿蔔糕（+$18）參巴醬幾香幾惹味，但一啲都唔辣。三粒蘿蔔糕外層脆（似用氣炸鍋炸的）。玖子茶芋圓（+$18）味道微甜，有芋圓、涼粉、啫喱、紅豆。熱馬來西亞拉茶（+$3）偏甜（可選擇少甜），茶味一般。熱街頭白咖啡（+$3）奶味足，所以夠滑，咖啡味正常。PS：自己 scan QR code 落單。PPS：下午茶時段（14：30 - 18：00）。沒有加一服務費。

幾個朋友一起可以叫多幾款share😆😆環境好靚，好多燈籠😁😁有特色😁之前keep咗個餐廳，好想去，去到個餐廳算大，跟住我地五個人坐咗一張靠窗邊ge圓臺😆li日播放好多林俊傑JJ ge歌🤣🤣我地total五個人，一人一個餐再叫左兩個小食，記得係餐加小食，會抵一半！我覺得油麵個麵質係好味過紅薯粉，對紅薯粉有d失望，但都好味！金湯酸辣湯，都幾特別，但小辣都幾辣ga！肉骨茶容易入口多肉，但如果期望好濃ge藥材味就未必滿足你！我地大家都鍾意個加央多士，薄餅唔係去到最好味ge，但大部分都ok，我覺得有種菜味，但食唔出🤣🤣唔係我期望果種薄餅🤣🤣

荃灣開咗一間馬來西亞星加坡菜，有好多好地道好特別嘅小食～鮮油咖映多士新鮮即叫即烘，夾住牛油和咖吷醬汁，熱辣辣好脆口食唔停口！招牌星馬雞例牌都非常大份量，配上三款醬汁，食落有少少似海南雞，雞胸部份比較結實，個人比較鍾意雞髀～砂煲肉骨茶肉骨茶包咗一個飯，有好多條排骨，絕對夠飽！藥材口味較重，撈飯食別有一番風味。玖子茶芋圓食完叫咗一個甜品，呢度嘅芋圓同台式的有點不同，有更加多的配料包括啫喱同埋仙草等等，仲有好多紅豆添！馬來西亞拉茶可以選擇甜度非常適合香港人口味～

玖子茶位於青衣長發邨商場入面二樓一個當眼位置，好容易搵到。入到去已經見到有好多古色古香嘅燈籠掛起，不知是平日嘅擺設還是為了中秋節掛上。店鋪左手邊有幾個小亭，三五知己一齊傾下計。周圍都有好多懷舊招牌都好有feel我認為食肉骨茶一定要同肥肉一齊食，否则就將好好嘅肉骨茶浪費了。脂肪會帶有甜味，能刺激食欲，增加唾液分泌，使食物更美味，再加上濃濃藥材湯嘅味道，非常可口！星馬雞嘅肉質細嫩，滋味鮮美，我本身唔食雞皮，但呢隻雞連雞皮都好滑，值得一試。另外，都有好多台式飲品。好似珍珠奶茶、各式各樣紅茶綠茶。仲有近排大熱嘅鴨屎香檸檬茶，銀花香單叢，俗稱鴨屎香，產自廣東潮州，為鳳凰單叢茶中的一種香型，因種在「鴨屎土」(黃壤土)，茶葉葉形似鴨腳木而得名。

這晚同老公去荃灣行街 剛好係晚上時間🏙我地就決定隨心揀一間試 看到這間 玖子茶📌原來係新加坡菜呢!✅-環境佈置都幾用心，有新加坡大排檔的風味🧡食物方面都有幾多選擇呀!📝我地首先揀左招牌星馬雞配油飯及雞湯🍙雞肉都幾滑呀! 而且有3種醬料 經典之選!🥢-我就點左水煮魚小鍋米線，揀左自己製香辣湯小辣🌶呢個幾有驚喜 好香辣 又唔會太油膩✅魚既份量都幾多🔎魚肉夠滑，濕濕地幾開胃不過當然要食到辣既朋友食最好‼️-小食我地點了檳城魚蛋，又係有少少辣 但好惹味😆不過呢個價錢泥講就算小貴⚠️甜品方面我揀左玖子茶芋圓🥣材料包括有芋圓、涼粉、紅豆、JELLY等再加少少花奶，重點唔會太冰，幾岩女仔食🤩不過味道就唔算好甜 所以好睇個人口味!🤣-飲品我地點左凍手打蜂蜜檸檬紅茶🍋好大杯 抵飲!-總的來說幾抵食既晚餐，而且幾惹味✔️不過呢個位置真算少去呀❗️平日好少經過!行過既值得試下‼️