神級Body對決 松嶋詠美Vs林夢|即時新聞|繽FUN星網|on.cc東網

神級Body對決 松嶋詠美Vs林夢

20210409
東網電視
更多新聞短片
兩位寫真女神俱被譽為擁有「神級BODY」。(互聯網)
相信最近都有唔少人入戲院睇戲,睇吓兩隻神級怪獸點樣打到毀天滅地。提到神級,日本寫真界就有兩位寫真女神俱被譽為擁有「神級BODY」,一個係松嶋詠美,另一個就係最近再次活躍寫真界嘅林夢喇!
奇迹9頭身
相信睇日本寫真多年嘅朋友,應該都會發現依家嘅女優上圍有愈來愈大嘅趨勢,但係大還大,佢哋嘅平均高度就似乎冇高過,身形普遍屬於嬌小型。不過,喺眾多當紅嘅寫真女優當中,都有唔少生得高挑,好似松嶋詠美就係知名嘅「9頭身」美人,意思即係頭部同身材嘅長度比例為1比9,反映出其5呎6吋高度嘅身材高挑感相當強。
詠美夠晒高,雙腿又長又靚,美股仲要係形態誘人嘅蜜桃臀,所以拍寫真時最愛做「影后」。不過,其實佢嘅上圍亦極度吸睛,擁有一對極品G奶,形態、質感同色澤都極佳,難怪詠美被稱為「奇迹之神級Body」!
見到詠美身材咁正,可能有人會想手多多,但係大家千祈唔好咁做,因為「郁親手就聽打」,原因係佢睇得又打得,近期更熱衷打野戰,從其社交網睇到嘅照片,可以見到佢拎起氣槍個樣威風凜凜,咁放低枝槍又點呢?詠美亦有練習K-1空手道格鬥技,尋常男人想埋佢身真係唔旨意呀!
Profile
年齡:28歲
身高:5呎6吋
三圍:35G-24-35
百大美人
能夠有資格同松嶋詠美比併嘅女優真係少之又少,林夢就係其中一個。今年25歲嘅佢,氣質綺麗又嬌艷,雙眼水潤明亮又帶神采,真係電力十足,就算係透過螢光幕欣賞,都要小心畀佢電到暈得一陣陣呀!因為美貌絕色,所以連續兩年獲選為「世界最漂亮面孔100人」。
佢同身材同樣美不勝修,身高5呎6吋,一雙修長美腿令愛腿之人着迷,雖然上圍冇詠美咁大,但係胴體比較纖瘦,加埋22吋蛇腰,令上圍顯得更加激凸,對F奶唔會比詠美嘅G奶輸蝕,所以亦有「神級Body」之稱,同時亦有「新世代之纖腰女王」稱號。
林夢曾經做過賽車女郎,而且好威水,喺多個車女選美比賽中都成功獲選,最叻嘅一次係喺2018至2019年度嘅一屆年度賽車女王大獎當中奪得冠軍。得獎之後,佢走返去做辦公室女郎,同時兼職做模特兒,到最近先再次活躍於寫真界。此外,佢喺藝能界亦愈來愈多工作,例如最近被邀請成為電台節目《劇團森巴嘉年華》嘅主持。
Profile
年齡:25歲
身高:5呎6吋
三圍:33F-22-34
第1回合
鬥身材
松嶋詠美同林夢兩個高度相同,上圍尺寸亦差不多,而且飽滿彈手,林夢身形比較纖瘦,不過詠美嘅胴體就肉地結實,令身材睇落健美感十足,要比邊個吸引啲,真係諗爆個腦呀!所以都係打和啦!
第2回合
鬥銜頭
兩位女優都有神級Body稱號,松嶋詠美喺寫真界多個選舉都贏過唔少獎項,而林夢喺賽車女郎界亦獲獎不少,不過最近林夢又多一個銜頭,就係「富良野觀光親善大使」,反映出佢嘅形象夠正面,足以代表家鄉富良野擔當要職。
第3回合
鬥曝光
林夢最近再次活躍起嚟,仲好勤力咁為雜誌拍寫真,但係論曝光率就一定唔夠松嶋詠美犀利喇,因為佢除咗幫娛樂雜誌拍寫真,近年亦為野戰愛好者雜誌做模特兒,更加出席好多攝影會活動添!