相信最近有唔少人入戲院睇戲，睇吓兩隻神級怪獸點樣打到毀天滅地。提到神級，日本寫真界就有兩位寫真女神俱被譽為擁有「神級Body」，一個係松嶋詠美，另一個就係最近再次活躍寫真界嘅林夢喇！
相信睇日本寫真多年嘅朋友，應該都會發現依家嘅女優上圍有愈來愈大嘅趨勢，但係佢哋嘅平均高度就似乎冇高過，普遍屬於嬌小型。不過，喺眾多當紅嘅寫真女優當中，都有唔少身材高挑，松嶋詠美就係知名嘅「9頭身」美人，意思即係頭部同身材嘅長度比例為1比9，反映出其5呎6吋高嘅身材高挑感相當強。
此外，詠美雙腿又長又靚，美股仲要係形態誘人嘅蜜桃臀，所以拍寫真時最愛做「影后」。不過，其實佢嘅上圍亦相當吸睛，擁有一對極品G奶，形態、質感同色澤都極佳，難怪被稱為「奇迹之神級Body」！
見到詠美身材咁正，可能有人會想手多多，但係大家千祈唔好咁做，因為「郁親手就聽打」，原因佢睇得又打得，近期更熱衷打野戰，從其社交網可以見到佢拎起氣槍個樣威風凜凜，與此同時詠美亦有練習K-1空手道格鬥技，尋常男人想埋佢身真係唔使旨意呀！
能夠有資格同松嶋詠美比併嘅女優真係少之又少，林夢就係其中一個。今年25歲嘅佢，氣質綺麗又嬌艷，雙眼水潤明亮又帶神采，真係電力十足，就算係透過螢光幕欣賞，都要小心畀佢電到暈得一陣陣呀！由於美貌絕色，所以連續兩年獲選為「世界最漂亮面孔100人」。
佢嘅身材同樣美不勝修，身高5呎6吋，一雙修長美腿令愛腿之人着迷，雖然上圍冇詠美咁大，但係胴體比較纖瘦，加埋22吋蛇腰，令上圍顯得更加激凸，對F奶唔會比詠美嘅G奶輸蝕，所以亦有「神級Body」及「新世代之纖腰女王」嘅稱號。
林夢曾經做過賽車女郎，而且好威水，喺多個車女選美比賽中都成功獲選，最叻嘅一次係喺2018至2019年度嘅一屆年度賽車女王大獎中奪得冠軍。得獎之後，佢走返去做OL，同時兼職做模特兒，到最近先再次活躍於寫真界。此外，佢喺藝能界亦愈來愈多工作，例如最近被邀請成為電台節目《劇團森巴嘉年華》嘅主持。
松嶋詠美同林夢兩個高度相同，上圍尺寸亦差不多，而且飽滿彈手，林夢身形比較纖瘦，不過詠美就肉地結實，令身材睇落健美感十足，要決定邊個吸引啲，真係諗爆個腦呀！所以都係打和啦！
DRAW
兩位女優都有神級Body稱號，松嶋詠美喺寫真界多個選舉都贏過唔少獎項，而林夢喺賽車女郎界亦獲獎不少，不過最近佢又多一個銜頭，就係「富良野觀光親善大使」，反映出佢嘅形象夠正面，足以代表家鄉富良野擔當要職。
DRAW
林夢最近再次活躍起嚟，仲好勤力咁為雜誌拍寫真，但係論曝光率就一定唔夠松嶋詠美犀利喇，因為佢除咗幫娛樂雜誌拍寫真，近年亦為野戰愛好者雜誌做模特兒，更加出席好多攝影會活動添！
林夢：WIN
松嶋詠美同林夢兩個都咁索，要比較真係好難分高低，不過如果論寫真演出，松嶋詠美一定係贏晒，因為佢出道至今一直未停過推出寫真作品，對於展現身材曲線美，以及賣弄風情，功力一定較林夢深厚，所以小弟都係撐松嶋詠美多啲！
年齡：28歲
身高：5呎6吋
三圍：35G-24-35
年齡：25歲
身高：5呎6吋
三圍：33F-22-34
撰文：賢