「東涌羅浩楷」利愛安簽約無綫 已火速加入《愛·回家》劇組

早前入圍《香港小姐2021》嘅28位候選佳麗已經登場，現時佳麗們就喺西貢一間新酒店接受為期10天嘅訓練營挑戰，而準決賽就將於8月22日舉行。雖然今屆佳麗中不乏高質靚女，不過觀眾最印象深刻嘅一定係有「佛祖」和「東涌羅浩楷」之稱嘅落選佳麗Kirsten（利愛安）。

現年22歲嘅Kirsten係中國、菲律賓和西班牙混血兒。佢喺參加今屆港姐首輪面試後人氣急升，早前仲被爆出已經與無綫簽約，當時唔少網民都半信半疑，不過原來Kirsten已經火速加入《愛·回家之開心速遞》劇組開工。黃建東喺IG上載與Kirsten嘅合照，並留言話：「Omg，東涌羅浩楷 is in the house!She’s such a sweet & kind heart and her brother is also very loving.Thank you for making my day! Welcome to the family & have fun shooting #開心速遞#（天呀，東涌羅浩楷在此！她很甜美和親切，她的哥哥也很有愛。你讓我感到很開心！歡迎加入我們的大家庭，祝拍攝愉快）」不過其後佢又將#開心速遞嘅Hashtag刪去。

《愛·回家》監製林建祥喺接受傳媒訪問時承認Kirsten加入劇組，仲話希望劇組有新面孔，睇下大家嘅反應，同時爆出港姐冠軍謝嘉怡亦都會即將加入劇組。另外，監製仲提到Kirsten同謝嘉怡嘅母語係英語，同埋冇演戲嘅經驗，而佢就話冇所謂，劇組日日開工，係一個好好嘅學習機會。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！