雅虎香港財經 
「東涌羅浩楷」佛系sell樓盤？
林作聲稱提名19歲東涌少女選港姐，後被揭發「抽水」。當事人其實是現年22歲的「利愛安」Kirsten，因造型激似佛祖引起熱話，連帶其個人IG與YouTube個人頻道亦曝光。
細看頻道個人製作，其中一條Kiss Me的MV，畫面鋪排由會所網球場到樓景，甚有潛力可以啟發出用MV來介紹樓盤呢招。
美股、外匯、加密貨幣免費即時報價，自選投資組合獲取相關新聞提示
sell樓KOL化
講到sell樓影片，近年AA都多咗囝囝囡囡代理出鏡，有大頭近鏡遊園式，亦有「警訊式」心得影片；讀傳理唔做主播做AA的Chilli，近年都有「睇樓團」影片；囝囝類亦有前財經主播胡國威的「胡說樓市」sell專業勤力。
東涌樓市「新香港人」
sell樓KOL化，「東涌羅浩楷」MV式帶你睇樓，隨時可以係下一波熱潮。睇返今次抽水的林作同樣係由專業轉戰保險界，他日Kirsten跟隨其後挾人氣轉戰地產界相信都毫無難度，尤其Kirsten來自東涌。
東涌樓市近年隨著空姐失業，理論上靚女減少，租務亦有一定壓力，有專家甚至形容東涌為近半世紀以來最失敗社區。Kirsten如果「落選」，不妨從東涌開始拍片轉型，開創度度有Neway的風潮。
不過唯一難度係Kirsten可能要唱埋普通話歌，話說呢排都多「新香港人」入市，前排東涌昇薈一房單位，就有內地專才以718.8萬元購入，仲要高於市價都買添。
（6月18日16:00更新）
相關報道：
