B女心水│「正氣青驅」四班有優勢
第五場四班千二米,我就鍾意「正氣青驅」。佢在港兩季共二十戰,除了首兩個回合熱身性質,其餘次次有獎金收,實在準得交關!上仗終於減夠分重返四班,便立即強配布文搏殺,可惜當晚跑道模式不利大後追,但依然交出凌厲後勁衝入亞軍,反映身處四班佔有優勢。今次布文再作馮婦,人馬經過上仗磨合,一定會有更佳發揮。第七場三班一六五○米,我嘅心水係「赤兔猴王」。佢最近七仗獲兩贏五位,盡顯忠心準繩,難得拼至季尾仍在勇境,一再展示鐵馬本色。留意佢近朝晨課依然醒神,日前與「美麗歡聲」拍跳亦主動肯走,看來狀態又進一步。今次喜遇馬少場合,更幸運地抽一檔靚位,坐位望贏應無難度。第五場 1 正氣青驅 6 海藍
最新消息 2024-05-07 19:31:13