近日天氣漸漸轉涼,終於感受到深秋的來臨。 所謂不時不食,家陣又到大閘蟹的季節了。 今年第一隻大閘蟹宴就係奧海城家上海品嚐。 每年同集團都會在旗下餐廳推出大閘蟹套餐,而且又真係好抵食,今次[金秋淮揚大閘蟹宴]又係二人同行一人免費優惠,每位港幣$888,但有原價加一及茶芥,大家可要注意啊! 江南四式拼盤 Appetizer ...Platter 寧波赤醬豬頭肉·花雕醉蝦·四喜烤麩·淮鹽溏心燻蛋 Ningbo Style Marinated Pork Roll Huadiao Drunken Prawn Roasted Bran Dough with Peanuts & Black Fungus Smoked Soft-boiled Egg with Spiced Salt 四款前菜各有特色,豬頭肉爽彈、醉蝦大大隻又夠酒香、烤麩好入味而煙蛋陣陣煙燻味我鍾意。 蟹粉小籠包 即叫即蒸,基本功扎實,雖然薄至見餡,但夾起卻毫無破損,咬開是熱燙的肉汁,蟹粉及鮮肉的味道隨之而來,好味。 淮安蟹粉三絲翅 Braised Shark's Fin with Chicken, Bamboo Shoots, Mushrooms & Creamy Crab Roe 很濃稠香滑的質感,蟹粉好香,下點陳醋味道更鮮。 清蒸大閘蟹 (四兩半至五兩) Steamed Whole Hairy Crab (180g - 200g) (追加每隻$198 per additional order) 久違了的拆蟹手感又來了,很喜歡一次過把蟹肉拆出,然後大啖大啖的享用,滿口蟹肉的感覺能不滿足嗎? 食大閘蟹又點可以忽略一杯花雕酒呢?凡惠顧以上套餐,可以優惠價$50 享用咸亨太雕王乙壺(100ml),喜歡的,仲可以加粒話梅。 蟹粉水晶獅子頭 Braised Pork and Shrimp Balls with Hairy Crab Roe 肉團質感鬆軟,蓋上厚厚的蟹粉帶來很豐腴的口感,真係好啱配上一碗白飯。 麻辣蟹粉香酥竹炭豆腐 Deep-fried Charcoal Bean Curd with Hairy Crab Roe in Spicy Sauce 整個套餐中,最喜歡這個不大顯眼的豆腐,賣相有點黑黝黝的,但無損嫩滑的質感,搭配蟹粉,又是另一種滋味。 家上海蟹粉拌麵 Signature Scallion Oil Noodles with Hairy Crab Roe 單尾同樣與蟹粉有關,麵條沾上了蟹粉,食落更覺惹味。 夠薑湯丸 Glutinous Dumplings in Sweet Ginger Soup 每次食大閘蟹必備,甜度及辣度都啱啱好,配埋湯丸就更完美。 整個套餐貫徹了蟹粉作主題,喜歡食蟹的朋友,又是你們的季節了。更多